افریقہ کپ آف نیشنز،کانگو نے سیمی فائنل تک رسائی حاصل کر لی۔
افریقہ کپ آف نیشنز کے کوارٹر فائنل میں گنی اور ڈی آر کانگو کا مقابلہ جمعے کے روز ہوا ۔جس میں ڈی آر کانگو نے گنی کو 1-3 سے شکست دے کر سیمی فائنل میں جگہ حاصل کرلی ۔
کھیل کے 20ویں منٹ میں کانگو کے کھلاڑی چنسل ایمبیمبا نے گنی کے محمد بایو کو فاؤل کیا جس وجہ سے اس نے پنالٹی کک سے گول کر دیا۔ اس کے صرف سات منٹ بعد چنسل نے کانگو کے لیے ایک مشکل زاویہ سے گول کیا اور اسکور برابر کر دیا۔
کھیل کے دوسرے ہاف میں ڈی آر کانگو کو اس وقت پنالٹی کک ملی جب گنی کے کھلاڑی جولین جینویئر نے ڈی آر کانگو کے کھلاڑی سیلاس کو فاول کیا۔ برنٹ فورڈ کے لیے کھیلنے والے ویسا، نے کامیابی سے پنالٹی کک کو گول میں تبدیل کر کے ڈی آر کانگو کو برتری دلائی۔اس کے جواب میں گنی کی ٹیم اس طرح کھیل نہیں پائی جیسا وہ چاہتی تھی ۔
گنی کے ہار کے تابوت میں آخری کیل اس وقت لگا جب ڈی آر کانگو کے آرتھر ماسوکو، نے فری کِک سے گول کیا۔ اس نے گیند کو میدان کے بائیں جانب اچھالا اور وہ گنی کے گول کیپر کے دفاع کو ناکام بناتے ہوئے قریب پوسٹ میں جالگی ۔ اور یوں ڈی آر کانگو نے جیت حاصل کر کے (افکون ) سیمی فائنل تک رسائی حاصل کرلی۔جو گنی کے خلاف ان کے عمدہ کھیل کی عکاسی کرتا ہے۔
ڈی آر کانگو اب بدھ کو سیمی فائنل میں مالی بمقابلہ آئیوری کوسٹ میں سے فاتح کا سامنا کرے گی ۔
