افغانستان نے زمبابوے کے خلاف ٹیسٹ کیلئے 18 رکنی اسکواڈ کا اعلان کر دیا

اردوانٹرنیشنل (اسپورٹس ڈیسک) تفصیلات کے مطابق افغانستان نے زمبابوے کے خلاف دو ٹیسٹ میچوں کی سیریز کیلئے 18 رکنی اسکواڈ کا اعلان کیا، جو بلاوایو میں باکسنگ ڈے سے شروع ہونے والی ہے۔

اسٹار لیگ اسپنر راشد خان کمر کی طویل انجری کے باعث دو سال کی غیر موجودگی کے بعد ریڈ بال فارمیٹ میں واپسی کر رہے ہیں انہوں نے آخری ٹیسٹ 2021 میں زمبابوے کے خلاف کھیلا تھا۔

حشمت اللہ شاہدی کی قیادت میں اسکواڈ میں سات ان کیپڈ کھلاڑی شامل ہیں۔

تازہ ترین چہروں میں بائیں ہاتھ کے تیز گیند باز بشیر احمد اور آل راؤنڈر عصمت عالم شامل ہیں جنہوں نے ڈومیسٹک کرکٹ میں شاندار پرفارمنس کے ذریعے اپنا مقام حاصل کیا۔

اسکواڈ میں عظمت اللہ عمرزئی، فرید احمد ملک، ریاض حسن، اور صدیق اللہ اتل بھی شامل ہیں، جنہیں اس سال کے شروع میں نیوزی لینڈ کے خلاف بارش سے متاثرہ ٹیسٹ کے لیے منتخب کیا گیا تھا۔

افغانستان کے عبوری چیف سلیکٹر احمد شاہ سلیمان خیل نے ٹیسٹ اسکواڈ میں تجربے اور ابھرتے ہوئے ٹیلنٹ کے لیے متوازن انداز اپنانے پر زور دیا۔

حامد حسن سیریز کے لیے عبوری ہیڈ کوچ کے طور پر کام کریں گے، کیونکہ جوناتھن ٹراٹ ذاتی وجوہات کی بنا پر دستیاب نہیں ہیں۔

افغانستان نے حال ہی میں زمبابوے کے خلاف ٹی ٹوئنٹی سیریز میں 2-1 سے فتح حاصل کی.

افغانستان اسکواڈ:حشمت اللہ شاہدی (کپتان)، رحمت شاہ (نائب کپتان)، اکرام علی خیل (وکٹ کیپر)، افسر زازئی (وکٹ کیپر)، ریاض حسن، صدیق اللہ اتل، عبدالمالک، بحیر شاہ محبوب، عصمت عالم، عظمت اللہ عمرزئی، ظاہر خان، ضیاء الرحمان اکبر ظاہر شہزاد، راشد خان، یامین احمد زئی، بشیر احمد افغان، نوید زدران، فرید احمد ملک۔