باجوڑ سے پی ٹی آئی کے امیدوار کو الیکشن مہم کے دوران فائرنگ کرکے قتل کردیا گیا
اردو انٹرنیشنل (مانیٹرنگ ڈیسک) باجوڑ سے پاکستان تحریک انصاف (پی ٹی آئی) کے امیدوار کو بدھ کی صبح انتخابی مہم کے دوران فائرنگ کر کے قتل کر دیا گیا۔
ذرائع کے مطابق ریحان زیب خان کو انتخابی مہم کے دوران گولی مار دی گئی۔ انہیں تشویشناک حالت میں اے ایچ کیو خار منتقل کیا گیا جہاں وہ زخموں کی تاب نہ لاتے ہوئے چل بسے۔
پولیس ذرائع نے بتایا کہ فائرنگ کا واقعہ صدیق آباد کے علاقے میں پیش آیا۔ پولیس نے بتایا کہ حملے میں مزید تین افراد زخمی بھی ہوئے، جنہیں ہسپتال منتقل کر دیا گیا ہے۔
واضح رہے کہ ریحان زیب این اے 8 باجوڑ سے امیدوار تھے۔
