اڈیالہ جیل میں قیدی کو زیادتی کے بعد قتل کردیا گیا
اردو انٹرنیشنل (مانیٹرنگ ڈیسک) اڈیالہ جیل راولپنڈی میں قیدی کو زیادتی کے بعد قتل کرنے کی سنگین واردات رونما ہوئی ہے۔ میڈیا رپورٹس کے مطابق واردات کا مقدمہ سپرنٹنڈنٹ اڈیالہ جیل کی درخواست پر راولپنڈی تھانہ صدر بیرونی میں چکی میں بند 4 حوالاتیوں کے خلاف درج کر کے انہیں حراست میں لے لیا گیا ۔ پولیس کا کہنا ہے کہ مقتول قیدی کی لاش پوسٹ مارٹم کے بعد ورثا کے حوالے کردی گئی ہے۔
ایف آئی آر کے مطابق مقتول سبیل کو ملزمان وقاص، آصف، نقاش اور بلال نے ہاتھ پاؤں باندھ کر زیادتی کا نشانہ بنایا اور پھر گلے میں کپڑے کا پھندا ڈال کر قتل کردیا۔ حوالاتی ملزم وقاص نے مقتول سبیل کے گلے اور چھاتی پر پاؤں رکھ کر دبایا تھا، مقتول کو 31دسمبر اور یکم جنوری کی درمیانی شب سانس اکھڑنے پر دوا بھی دی گئی تھی۔
مقتول کو اکتیس دسمبر اور یکم جنوری کی درمیانی شب سانس اکھڑنے پر دوائی بھی دی گئی تھی، یکم جنوری کی صبح مقتول بے ہوش پڑا تھا۔
جیل ہسپتال منتقل کرنے پر اس کی موت کی تصدیق ہوئی، مقتول کے گلے پر نشان تھے جس سے موت مشکوک ہوئی۔ پولیس کا کہنا ہے کہ مطابق مقدمہ قتل اور زیادتی کی دفعات کے تحت درج کیا گیا ہے۔
ذرائع کا کہنا ہے کہ جیل میں مبینہ طور پر پیسے نہ دینے پر حوالاتیوں کو مختلف طریقے سے تنگ کیا جاتا ہے۔
