شاہین آفریدی کے گھر جلد بچے کی پیدائش متوقع
اردو انٹرنیشنل (اسپورٹس ڈیسک ) تفصیلات کے مطابق پاکستان کے بائیں ہاتھ کے تیز گیند باز شاہین آفریدی باپ بننے والے ہیں کیونکہ ان کی اہلیہ انشا اپنے پہلے بچے کی توقع کر رہی ہیں۔
یہ انکشاف قومی ٹیم کے ریڈ بال کوچ جیسن گلیسپی نے کیا جنہوں نے کہا کہ شاہین بچے کی پیدائش کی وجہ سے بنگلہ دیش کے ٹیسٹ میچوں سے محروم ہو سکتے ہیں اگر وہ اس وقت تک اپنی اہلیہ کے ساتھ رہنا چاہتے ہیں تو ہم انہیں کچھ آرام دے سکتے ہیں۔
جوڑے کا نکاح فروری 2023 میں کراچی کی زکریا مسجد میں ہوا تھا تاہم ان کی شادی اور ولیمہ گزشتہ سال ستمبر کے آخر میں ہوا تھا۔
شادی کی تقریب 19 ستمبر کو کراچی کے مقامی ہوٹل میں منعقد ہوئی اور اس میں بابر اعظم سمیت مختلف موجودہ اور سابق کرکٹرز اور سابق کرکٹرز بشمول مصباح الحق، سعید انور، سہیل خان، اور تنویر احمد اور دیگر نے شرکت کی۔
جبکہ ولیمہ 21 ستمبر کو اسلام آباد میں ہوا۔
قومی ٹیم کے لیے تیز گیند باز کی متوقع عدم دستیابی اس وقت سامنے آئی جب گرین شرٹس اگست میں بنگلہ دیش کے خلاف دو میچوں کی ٹیسٹ سیریز میں حصہ لینے والی ہیں۔
شاہین حال ہی میں ان انکشافات کے بعد سرخیوں میں ہیں کہ انہوں نے کوچز اور انتظامی عملے کے ساتھ بدتمیزی کی۔
ذرائع کا کہنا ہے کہ فاسٹ باولر نے ٹی ٹوئنٹی ورلڈ کپ 2024 سے عین قبل پاکستان کے دورہ انگلینڈ کے دوران بیٹنگ کوچ محمد یوسف کے ساتھ جھگڑا کیا تھا۔