رافیل نڈال کی کلے کورٹ کی نورڈیا اوپن میں فتوحات کا سلسلہ اس وقت تھم گیا جب انہیں نونو بورجیس نےسٹریٹ سیٹ میں 6-3، 6-2 سے شکست دی۔

ساتویں سیڈڈ پرتگالی کھلاڑی بورجیس نے نڈال کی سروس پانچ بار توڑی اور پہلی اے.ٹی .پی ٹور جیت حاصل کی۔38 سالہ رافیل نڈال گزشتہ سال کے آغاز سے انجریز کا سامنا کر رہے ہیں اور انہوں نے فرنچ اوپن 2022ء کے بعد پہلی بار فائنل میں جگہ بنائی تھی لیکن وہ بورجیس کیخلاف عمدہ کھیل کا مظاہرہ نہ کر سکے اور بورجیس نے ٹائٹل جیت لیا .

نڈال نے اس ٹورنامنٹ میں پہلی بار حصہ لیا، جسے انہوں نے 2005 میں 19 سال کی عمر میں جیتا تھا، اور وہ پیرس میں رولینڈ گیروس پر اولمپک ٹورنامنٹ کی تیاری کر رہے ہیں۔

38 سالہ نڈال نے ومبلڈن چھوڑ دیا کیونکہ وہ نہیں چاہتے تھے کہ گراسی کورٹ پر کھیلنے کے بعد دوبارہ کلے کورٹ پر آکر انجری کا خطرہ مول لیں۔