اردو انٹرنیشنل (اسپورٹس ڈیسک) تفصیلات کے مطابق نیوزی لینڈ کے کوچ گیری اسٹیڈ مکمل طور پر فٹ اسکواڈ کے حوالے سے پر امید ہیں کیونکہ ٹیم اگلے ماہ ہونے والے ٹی ٹوئنٹی ورلڈ کپ کے لیے کیریبین کے لیے روانہ ہونے کی تیاری کر رہی ہے فن ایلن اور ڈیون کونوے انجری سے صحت یاب ہونے میں اچھی پیش رفت کر رہے ہیں۔
دھماکہ خیز اوپنر ایلن کمر کی انجری کی وجہ سے پاکستان میں گزشتہ ماہ ہونے والی ٹی ٹوئنٹی سیریز سے غیر حاضر رہے تھے جبکہ وکٹ کیپر کونوے نے فروری میں انگوٹھے کے فریکچر کی سرجری کروائی تھی اور وہ جاری انڈین پریمیئر لیگ (آئی پی ایل) سیزن میں کسی بھی میچ میں شرکت کرنے سے قاصر رہے۔
اسٹیڈ نے جمعرات کو ماؤنٹ مونگانوئی میں ٹیم کے تربیتی کیمپ میں صحافیوں کو بتایا کہ فن ایلن کی کمر میں ابھی بھی تھوڑا سا درد ہے لیکن اس ہفتے ہمارا منصوبہ ان کو آگے بڑھانا ہے اور ہر روز اپنی تربیت کے ذریعے مزید شدت پیدا کرنا ہے۔
ڈیون بھی آئی پی ایل چھوڑ چکا ہے اور وہ اچھی طرح سےپریکٹس کر رہا ہے وہ مستقل بنیادوں پر نیٹ میں وکٹ کیپرنگ اور بیٹنگ کر رہے ہیں .
7 جون کو گیانا کے جارج ٹاؤن میں افغانستان کے خلاف ورلڈ کپ کے گروپ سی کے افتتاحی میچ سے قبل نیوزی لینڈ کا کوئی وارم اپ میچ نہیں ہے۔
ٹی ٹوئنٹی ورلڈ کپ نیوزی لینڈ کا اسکواڈ
کین ولیمسن (کپتان)، فن ایلن، ٹرینٹ بولٹ، مائیکل بریسویل، مارک چیپ مین، ڈیون کونوے، لوکی فرگوسن، میٹ ہنری، ڈیرل مچل، جمی نیشم، گلین فلپس، راچن رویندرا، مچل سینٹنر، ایش سودھی، ٹم ساؤتھی
