ٹی ٹوئنٹی ورلڈ کپ : پاکستان ٹیم آئرلینڈ کے خلاف میچ کھیلنے فلوریڈا پہنچ گئی
اردو انٹرنیشنل (اسپورٹس ڈیسک) تفصیلات کے مطابق پاکستان کی کرکٹ ٹیم بدھ کو نیویارک سے فلوریڈا پہنچ گئی جہاں وہ آئرلینڈ کے خلاف جاری آئی سی سی مینز ٹی ٹوئنٹی ورلڈ کپ 2024 میں اپنا آخری گروپ میچ کھیلے گی.
ٹیم آج اپنے ہوٹل میں وقفہ اور آرام کرے گی اس دوران تربیتی شیڈول کا اعلان مقررہ وقت پر کیا جائے گا۔
پاکستان اور آئرلینڈ کا مقابلہ 16 جون کو فلوریڈا کے سینٹرل بروورڈ پارک اسٹیڈیم لاڈر ہل میں ہونا ہے تاہم اس دن بارش کا 47 فیصد امکان ہے۔
واضح رہے کہ پاکستان نے گزشتہ روز کینیڈا کے خلاف ٹی ٹوئنٹی ورلڈ کپ 2024 میں اپنی پہلی فتح درج کی۔
