پاکستان واپس پہنچنے والے 28000 حجاج کرام کو آب زمزم فراہم کیا جا چکا ہے، ایف اینڈ سی
اردو انٹرنیشنل (مانیٹرنگ ڈیسک) سرکاری خبر رساں ادارے “اے پی پی” کے مطابق ڈائریکٹر ایف اینڈ سی، مدینہ منورہ، سید مشاہد حسین خالد نے کہا ہے کہ وطن واپس پہنچنے والے 28000 پاکستانی حجاج کرام کو زمزم فراہم کیا جا چکا ہے جبکہ روزانہ کی بنیاد پر پاکستان جانے والے حجاج کرام کو مدینہ اور جدہ ائیرپورٹس پر زم زم فراہم کیا جا رہا ہے۔
پاکستان حج مشن کے مطابق زم زم پالیسی کے تحت پی ائی اے کے ذریعے سفر کرنے والے تمام حجاج کرام کوئٹہ اور سکھر کے علاوہ تمام سرکاری حاجیوں کو جدہ/مدینہ ائیرپورٹ پر اپنے سامان کے ساتھ زم زم بک کروا رہے ہیں۔ کوئٹہ اور سکھر کے حجاج کو پاکستانی ایئرپورٹ پہنچنے پر زم زم فراہم کیا جا رہا ہے۔ائیر بلیو ، ائیر سیال اور سرین ائیر کے ذریعے سفر کرنے والے تمام سرکاری حاجیوں کو پاکستان کے متعلقہ ائیر رپورٹ فی پاسپورٹ کے حساب سے 5 لیٹر زم زم کی ایک بوتل فراہم کی جا رہی ہے۔
سعودی ائیر کے ذریعے سفر کرنے والے تمام سرکاری حجاج کرام جدہ/مدینہ ایرپورٹ پر اپنے سامان کے ساتھ زم زم بک کروا سکتے ہیں۔ وزارت مذہبی امور نے زم زم فراہمی کے ضمن میں کسی بھی قسم کی پریشانی یا رہنمائی کیلئے متعلقہ حاجی کیمپوں اور ایئرلائنز کے فوکل پرسنز کے نام اور رابطہ نمبر اپنی آفیشل اور سماجی رابطہ کی ویب سائٹ پر آویزاں کر دیئے ہیں۔
