ورلڈ چیمپئن آف لیجنڈ 2024: ویسٹ انڈیز نے جنوبی افریقہ کے خلاف پہلی جیت اپنے نام کر لی
اردو انٹرنیشنل (اسپورٹس ڈیسک) تفصیلات کے مطابق برمنگھم کے ایجبسٹن اسٹیڈیم میں ورلڈ چیمپئن شپ آف لیجنڈز 2024 کے نویں میچ میں ویسٹ انڈیز نے جنوبی افریقہ کو 6 وکٹوں سے شکست دے دی۔
کرس گیل اینڈ کمپنی نے 175 رنز کا ہدف آخری اوور میں چار وکٹوں کے نقصان پر پورا کر لیا۔
تین میچوں میں یہ ویسٹ انڈیز کی پہلی جیت تھی جب کہ جنوبی افریقہ اپنے تمام میچ ہار چکا ہے۔
گیل نے 40 گیندوں پر 70 رنز بنا کر میچ کا رخ موڑ دیا اور مجموعی اسکور کے تعاقب میں اہم کردار ادا کیا چاڈوک والٹن نے بھی 29 گیندوں پر 56 رنز بنا ئے.
جنوبی افریقہ کی جانب سے ورنن فلینڈر نے 2 جبکہ چارل لینگویلڈ اور نیل میکنزی نے ایک وکٹ حاصل کی۔
اس سے قبل جنوبی افریقہ نےپہلے بیٹنگ کرنے کے بعد پر پانچ وکٹوں کے نقصان پر 174 رنز بنائےکوئی بھی بلے باز پچاس رنز بنانے میں کامیاب نہیں ہوسکا لیکن ایشلے پرنس ( 46) اور ڈین ولاس ( 44) کی شراکت نے ان کا مجموعہ مقابلہ تک پہنچا دیا۔
جیسن محمد نے 2 وکٹیں حاصل کیں جبکہ سیموئل بدری نے ایک وکٹ حاصل کی.
واضح رہے کہ پاکستان ایونٹ میں ناقابل شکست رہنے والی واحد ٹیم ہے.
