ہم اپنے امیدواروں کو دوہرے معیار کی نظر نہیں ہونے دیں گے،ن لیگ سے سیٹ ایڈجسٹمنٹ نہیں کریں گے:مسلم لیگ ق
اردو انٹرنیشنل (مانیٹرنگ ڈیسک) پاکستان مسلم لیگ کے صدر و سابق وزیراعظم چوہدری شجاعت حسین کی زیر صدارت پاکستان مسلم لیگ کا ہنگامی اجلاس منعقد ہوا۔
سابق وفاقی وزیر و سینئر نائب صدر پاکستان مسلم لیگ چوہدری سالک حسین کا کہنا تھا کہ انکی جماعت نے ہمیشہ پاکستان اور پاکستانی عوام کی ترقی اور خوشحالی کے لیے اپنا کردار ادا کیا ہے اور کرتے رہیں گے۔ صرف اپنی ذات کی حد تک سیٹ ایڈجسٹمنٹ قبول نہیں۔
ہمارے دیگر امیدوار وں کے مقابلے میں نون لیگ نے اپنے امیدواروں کو ٹکٹ جاری کر دیے ہیں۔
لہٰذا پارٹی کے قائد اور دیگر رہنماؤں نے فیصلہ کیا ہے کہ ہم اپنے امیدواروں کو دوہرے معیار کی نظر نہیں ہونے دیں گے۔ اور نون لیگ سے سیٹ ایڈجسٹمنٹ نہیں کریں گے۔
چوہدری سالک حسین نے مزید کہا کہ ن لیگ گجرات سے بھی میرے اور میرے بھائی چوہدری شافع حسین کے خلاف اپنے نامزد کردہ امیدواروں کو ٹکٹ جاری کردیں۔
جنرل سیکرٹری پاکستان مسلم لیگ پنجاب چوہدری شافع حسین نے بھی اس بات پر اتفاق کیا۔انہوں نے کہا کہ ہم نے جن امیدواروں سے عہد کیا وہ ہمارے ساتھ ہیں اور اگر ن لیگ انکا مقابلہ کرے گی تو ہم بھی اپنے ساتھیوں کے ساتھ اسی صف میں کھڑے ہونے کو ترجیح دیں گے۔
مسلم لیگ ق کی قیادت کا کہنا تھا کہ ہم بغیر سیٹ ایڈجسٹمنٹ کے مقابلے کے لیےتیار ہیں۔
