کیا بابر، شاہین، رضوان کو گلوبل ٹی ٹوئنٹی کینیڈا کے لیے این او سی ملے گا؟
اردو انٹرنیشنل (اسپورٹس ڈیسک )تفصیلات کے مطابق جیو نیوز نے ذرائع کے حوالے سےرپورٹ کیا ہے کہ پاکستان کے کھلاڑیوں بابر اعظم، شاہین شاہ آفریدی، اور محمد رضوان کو بڑا دھچکا لگا کیونکہ انہیں گلوبل ٹی ٹوئنٹی کینیڈا میں کھیلنے کے لیے نو آبجیکشن سرٹیفکیٹ (این او سی) ملنے کا امکان نہیں ہے.
ذرائع کے مطابق 25 جولائی سے 11 اگست تک ہونے والی کینیڈین لیگ کا این او سی تینوں کونہیں ملے گا۔
اس کی وجہ یہ ہے کہ تمام فارمیٹ کے کھلاڑیوں کو پالیسی کے مطابق سرٹیفکیٹ جاری نہیں کیا جائے گا ذرائع نے بتایا کہ پاکستان کرکٹ بورڈ (پی سی بی) مصروف بین الاقوامی شیڈول کی وجہ سے اس کے حق میں نہیں ہے۔
یہ پیش رفت اس وقت سامنے آئی ہے جب کرکٹ باڈی نے فاسٹ باؤلر نسیم شاہ کو آل فارمیٹ کے کھلاڑی ہونے کی وجہ سے دی ہنڈریڈ کرکٹ لیگ کھیلنے کے لیے این او سی نہ دینے کا فیصلہ کیا تھا۔
تاہم، گلوبل ٹی 20 کینیڈا کو کئی مسائل کی وجہ سے ابھی تک انٹرنیشنل کرکٹ کونسل (آئی سی سی) سے منظوری نہیں ملی ہے۔
انہوں نے مزید کہا کہ لیگ کی منظوری کے بعد ہی کھلاڑیوں کے این او سی کا باقاعدہ فیصلہ کیا جائے گا۔
پیسر محمد عامر، محمد نواز، آصف علی اور افتخار احمد کے بھی گلوبل ٹی ٹوئنٹی کینیڈا میں معاہدے ہیں۔
اس ہفتے کے شروع میں، پی سی بی نے کہا تھا کہ وہ کھلاڑیوں کو این او سی جاری کرنے کے لیے تکنیکی عمل پر کام کرے گا اور جو ضروریات پوری کریں گے انہیں این او سی دیا جائے گا۔
