اردو انٹرنیشنل (مانیٹرنگ ڈیسک) دنیا کے آلودہ ترین شہروں کی فہرست میں آج پہلے نمبر پر ملتان ہے۔
ایئر کوالٹی انڈیکس کے مطابق ملتان شہر اور گرد و نواح شدید اسموگ کی لپیٹ میں ہے، جہاں فضائی آلودگی 924 پرٹیکیولیٹ میٹرز ریکارڈ ہوئی ہے۔
ترجمان موٹروے پولیس کے مطابق شدید اسموگ کے باعث ملتان سے سکھر تک ایم 5 موٹر وے بند کر دی گئی ہے۔
ترجمان موٹر وے پولیس نے بتایا ہے کہ ملتان سے پنڈی بھٹیاں تک ایم 4 موٹر وے بھی بند کر دی گئی ہے۔
ترجمان موٹر وے پولیس کے مطابق شدید اسموگ کے باعث شہر میں بھاری ٹریفک کا داخلہ بھی کل سے بند ہے۔
لاہور میں اسموگ کے پیشِ نظر آؤٹ ڈور سرگرمیوں پر پابندی عائد کر دی گئی جس کا نوٹیفکیشن بھی جاری کر دیا گیا ہے۔
نوٹیفکیشن کے مطابق یہ احکامات 11 نومبر سے 17 نومبر تک نافذ العمل رہیں گے۔
پابندی کا اطلاق ڈسٹرکٹ لاہور، ملتان، فیصل آباد اور گوجرانوالہ میں ہو گا، خلاف ورزی پر پنجاب انوائرمنٹل پروٹیکشن ایکٹ کے تحت کارروائی ہو گی۔
نوٹیفکیشن میں کہا گیا ہے کہ ہر قسم کے آؤٹ ڈور کھیلوں، نمائشوں اور تقریبات پر پابندی عائد ہے۔
ریسٹورنٹس کی آؤٹ ڈور ڈائننگ پر بھی پابندی عائد ہے، دکانیں، مارکیٹیں اور شاپنگ مالز رات 8 بجے بند ہوں گے۔
