بلے اور پی ٹی آئی کے بغیر یہ الیکشن نہیں کروا سکتے،شہباز گل
پاکستان تحریک انصاف کے رہنما شہباز گل نے پی ٹی آئی کا نیا چئیرمین لانے کے فیصلے کی مخالفت کر دی۔انہوں نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ اگر عمران خان خود بھی چئیرمین کے عہدے سے الگ ہوں تو میں تب بھی پورے احترام کے ساتھ اس فیصلے کی مخالفت کروں گا۔ ہاں مجبوراً چئیرمین عمران خان کا فیصلہ ماننا پڑے گا لیکن یہ فیصلہ درست نہیں ہو گا۔
شہباز گل نے کہا کہ یہ میری زاتی رائے ہے اگر خان صاحب خود بھی چئیرمین کے عہدے سے الگ ہوں تو میں تب بھی پورے احترام کے ساتھ اس فیصلے کی مخالفت کروں گا۔ ہاں مجبوراً چئیرمین خان کا فیصلہ ماننا پڑے گا۔ لیکن یہ فیصلہ درست نہیں ہو گا۔
شہباز گل نے کہا کہ ساری گیم ہی خان کو ہٹانے کیلئے کھیلی جارہی ہے۔ خان کو ہٹا لیا تو ان کا خواب پورا کر دیا، اگر خان نہیں تو کیا فائدہ بلے کااور اس الیکشن کا.میں ابھی بھی کہتا ہوں خان ڈٹ جائے اور یہ بلے کا نشان لیتے ہیں تو لے لیں۔ بلے اور پی ٹی آئی کے بغیر یہ الیکشن نہیں کروا سکتے۔ اس الیکشن کو کوئی نہیں مانے گا۔ ان کے بلف میں نہ آئیں۔
