اردو انٹرنیشنل (مانیٹرنگ ڈیسک) نومنتخب امریکی صدر ڈونلڈ ٹرمپ اور اسٹار لنک اور ایکس کے مالک ایلون مسک کے تعلقات میں کھچاؤ آنے لگا۔
امریکی اخبار کی صحافی کے مطابق کئی ماہ تک قریبی ساتھی رہنے والے ایلون مسک سے ٹرمپ کو شکایتیں ہو رہی ہیں جن کا اظہار ٹرمپ بند دروازوں کے پیچھے کر رہے ہیں۔
صحافی کا کہنا ہے کہ ایلون مسک ٹرمپ کی انتخابی مہم کے بڑے ڈونر رہے ہیں اور اب ٹرمپ کو پریشان کرنے میں بھی آگے ہیں۔
یہ بھی پڑھیں: ایلون مسک کی یورپی ممالک کی سیاست میں مداخلت اور یورپین رہنماؤں کے لئے بڑھتی پریشانیاں
امریکی صحافی نے کہا ہے کہ ٹرمپ مسک تعلقات پریشان کُن نوعیت کے ہوگئے ہیں اور اس میں مزید بگاڑ آسکتا ہے۔
مسک اور ٹرمپ کے گہرے روابط پر لوگ ایلون مسک کو صدر مسک بھی کہنے لگے تھے اور اب ٹرمپ کو یہ مذاق بھی برا لگتا ہے۔
