The national hockey team will be the guest of the Prime Minister today
اذلان شاہ ہاکی کپ میں شاندار کارکردگی دکھانے والی قومی ہاکی ٹیم آج وزیراعظم کی مہمان بنے گی۔
وزیراعظم شہباز شریف کی جانب سے ہاکی ٹیم کے اعزاز میں آج تقریب منعقد ہوگی ، تقریب میں وزیراعظم قومی ٹیم کی حوصلہ افزائی کریں گے ۔
تقریب میں وزیراعظم کے مشیر برائے یوتھ پروگرام رانا مشہود احمد، ہاکی لیجنڈز بھی شرکت کرینگے ، وزیراعظم تقریب میں قومی ہاکی ٹیم کو انعامات سے نوازیں گے ۔
گزشتہ روز وزیراعلیٰ پنجاب مریم نواز نے قومی ٹیم کو تین کروڑ انعام سے نوازا تھا ۔
واضح رہے کہ پاکستان نے اذلان شاہ ہاکی کپ میں مسلسل میچز میں کامیابی حاصل کی تاہم 13 سال بعد فائنل میں پہنچنے والی ٹیم کو آخری میچ میں شکست کا سامنا کرنا پڑا،۔
