پروڈکشن کمپنی میڈک فلمز، نے 2018 میں بننے والی فلم ‘ستری ‘ کا سیکوئل “ستری 2” بنایا ہے جس نے باکس آفس پر شاہ رخ خان کی فلم جوان کو پیچھے چھوڑ دیا ہے یہ فلم اب باضابطہ طور پر ہندوستان میں “فلم آف آل ٹائم نمبرون ہندی فلم” ہے۔ بدھ کو، میڈک فلمز نے ایکس پر ایک پوسٹر شیئر کیا جس میں انہوں نے تصدیق کی کہ “ستری2 ” ہندوستان کی اب تک کی سب سے زیادہ کمائی کرنے والی بن گئی ہے ۔
شردھا کپور اور راج کمار راؤ کی جوڑی پر مبنی “ستری 2’ نے ایک اندازے کے مطابق 586 کروڑ ہندوستانی روپے کما کر ہندوستانی باکس آفس پر زبردست کامیابی حاصل کی ہے۔ جبکہ شاہ رخ خان کی جوان 584 کروڑ کے ساتھ “ستری 2” سے پیچھے چلی گئی ۔
پپروڈکشن کمپنی میڈک فلمز نے ایکس پر مداحوں کا شکریہ ادا کرتے ہوئے کہا، “ہمارے ساتھ تاریخ رقم کرنے کا شکریہ۔ ‘ستری 2’ ابھی بھی سینما گھروں میں چل رہی ہے، تو آئیں دیکھیں اور مزید ریکارڈ توڑنے میں ہماری مدد کریں” ۔
