تحریک انصاف نے عمر ایوب کو وزارت عظمیٰ کا امیدوار نامزد کردیا
پاکستان تحریک انصاف کے رہنما سابق اسپیکر قومی اسمبلی اسد قیصر نے آج بانی پی ٹی آئی عمران خان سے ملاقات کی ،ملاقات کے بعد انہوں نے پریس کانفرنس کرتے ہوئے اعلان کیا کہ ہمارے وزارت عظمیٰ کے لیے امیدوار عمر ایوب ہوں گے۔تمام سیاسی جماعتوں کے ساتھ کام کرنے کا ٹاسک دیا گیا ہے۔الیکشن میں دھاندلی کے خلاف احتجاج کرنے والی جماعتوں سے رابطہ کریں گے۔
انہوں نے کہا کہ ہم چاہتے ہیں آپس میں مل کر لائحہ عمل بنائیں۔بچہ بچہ جانتا ہے کہ تحریک انصاف کے مینڈیٹ کو چوری کیا گیا۔یہ پاکستان کی تاریخ کا سب سے بدترین الیکش ہوا ہے۔ قبل ازیں عمران خان نے علی امین گنڈاپور کو وزیر اعلی خیبرپختونخواہ نامزد کر دیا۔ پاکستان تحریک انصاف نے خیبرپختونخوا میں دو تہائی اکثریت حاصل کی ہے۔
واضح رہے کہ حالیہ الیکشن میں عمر ایوب خان قومی اسمبلی کے حلقہ این اے 18ہری پور سے آزاد امیدوار کامیاب ہوئے تھے، انہوں نے ایک لاکھ 92 ہزار 948 ووٹ حاصل کیے تھے جبکہ ان کے مدمقابل مسلم لیگ (ن) کے امیدوار بابر نواز ایک لاکھ 12 ہزار 389 ووٹ لے سکے تھے۔
عمر ایوب خان سابق اسپیکر قومی اسمبلی گوہر ایوب خان کے صاحبزادے اور سابق فوجی حکمران جنرل ایوب خان کے پوتے ہیں، وہ 17 فروری کو پاکستان مسلم لیگ (ن) چھوڑ کر پی ٹی آئی میں شامل ہوئے۔
11 ستمبر 2018 کو عمران خان کی حکومت میں عمر ایوب خان کو وفاقی وزیر توانائی مقرر کر دیا گیا تھا، بعد ازاں، 16 اپریل 2021 کو عمر ایوب کو وزیر اقتصادی امور مقرر کردیا گیا تھا۔
27 مئی 2023 کو عمران خان نے اسد عمر کی جانب سے استعفے کے بعد عمر ایوب خان کو پارٹی کا نیا سیکریٹری جنرل مقرر کردیا تھا۔
پاکستان تحریک انصاف نے 5 فروری کو ہونے والے انٹراپارٹی انتخابات کا شیڈول
