ٹی ٹوئنٹی ورلڈ کپ :محمد رضوان نے روہت شرما کا ٹی ٹوئنٹی ریکارڈ برابر کر دیا
اردو انٹرنیشنل (اسپورٹس ڈیسک) تفصیلات کے مطابق پاکستان کے محمد رضوان نے منگل کو کینیڈا کے خلاف گرین شرٹس کی 7 وکٹوں سے فتح کے دوران ہندوستانی کپتان روہت شرما کا ٹی ٹوئنٹی انٹرنیشنل ریکارڈ برابر کر دیا ہے۔
پاکستان نے رواں ٹی ٹوئنٹی ورلڈ کپ 2024 میں کینیڈا کو شکست دے کر اپنی پہلی جیت حاصل کی ٹورنامنٹ کے سپر 8 مرحلے میں آگے بڑھنے کی اپنی امیدوں کو زندہ رکھا۔
میچ کے دوران، رضوان نے 53 گیندوں پر 53 رنز کی اننگز کھیل کر اپنے ٹی ٹوئنٹی کیریئر میں ایک اور سنگ میل حاصل کیا این ڈی ٹی وی کی رپورٹ کے مطابق رضوان اور روہت دونوں نے مختصر ترین فارمیٹ میں اوپنرز کے طور پر مجموعی طور پر 30 پچاس سے زائد اسکور کو عبور کیا ہے۔
ناساؤ کاؤنٹی انٹرنیشنل کرکٹ اسٹیڈیم میں بابر اعظم کے جوانوں نے 17.3 اوورز میں 107 رنز کے ہدف کا تعاقب کرتے ہوئے یہ اہم فتح حاصل کی۔
پاکستانی کپتان اوپنر کے طور پر 28 پچاس سے زیادہ اسکور کے ساتھ فہرست میں دوسرے نمبر پر ہیں۔
ان کے بعد آسٹریلیا کے اوپنر ڈیوڈ وارنر ہیں جو کل 27 پچاس اسکور کے ساتھ تیسرے نمبر پر ہیں۔
