اردو انٹرنیشنل (اسپورٹس ڈیسک) تفصیلات کے مطابق سابق وکٹ کیپر بلے باز کامران اکمل نے آئندہ ٹی ٹوئنٹی ورلڈ کپ 2024 کے لیے اپنے پاکستانی اسکواڈ کا اعلان کر دیا جو یکم جون سے امریکا اور ویسٹ انڈیز میں کھیلا جائے گا۔
کامران، جو پاکستان کے اسکواڈ کا حصہ تھے جس نے فائنل میں سری لنکا کو شکست دے کر 2009 کا ٹی ٹوئنٹی ورلڈ کپ جیتا تھاحارث رؤف کو اپنے آخری 15 کے اسکواڈمیں شامل نہیں کیا جو میگا ایونٹ میں شرکت کے لیے امریکہ جائیں گے۔
رؤف پاکستان سپر لیگ (پی ایس ایل) کے سیزن 9 میں زخمی ہوئے تھے اور تب سے وہ سائیڈ لائنز پر ہیں۔
اکمل کے اسکواڈ میں محمد رضوان اور بابر اعظم کی اوپننگ جوڑی شامل تھی جس نے اپنے آخری تین ٹی ٹوئنٹی ٹورنامنٹس میں پاکستان کے لیے اننگز کا آغاز کیا۔
کامران اکمل کی پاکستان ٹی ٹوئنٹی ورلڈ کپ اسکواڈ
بابر اعظم، محمد رضوان، فخر زمان، عرفان خان نیازی، افتخار احمد، اعظم خان، شاداب خان، عماد وسیم، شاہین شاہ آفریدی، محمد عامر، نسیم شاہ، عثمان خان، صائم ایوب، ابرار احمد، عباس آفریدی، اسامہ میر،عامر جمال
ذرائع کے مطابق ٹی 20 ورلڈ کپ 2024 کے لیے پاکستان کے آفیشل اسکواڈ کا اعلان انگلینڈ کے خلاف پہلے ٹی ٹوئنٹی کے اختتام کے بعد کیا جائے گا جو 22 مئی کو ہوگا۔
ٹی ٹوئنٹی ورلڈ کپ کے لیے اسکواڈ جمع کرانے کی ابتدائی آخری تاریخ یکم مئی تھی لیکن ٹیمیں اسی ماہ کی 25 تاریخ تک تبدیلیاں کر سکتی ہیں اس کے بعد کسی بھی تبدیلی کے لیے آئی سی سی کی ٹیکنیکل کمیٹی سے منظوری درکار ہوگی۔
