SNGPL discovers 1.5km-long illegal gas pipeline
سوئی ناردرن گیس پائپ لائن1.5 کلومیٹر طویل غیر قانونی گیس پائپ لائن پکڑ لی
اردو انٹرنیشنل (مانیٹرنگ ڈیسک) سوئی ناردرن گیس پائپ لائن (SNGPL) کی ٹاسک فورس نے وفاقی دارالحکومت کے مضافات میں 1.5 کلومیٹر طویل غیر قانونی گیس پائپ لائن ڈھونڈ لی .
جبکہ پولیس نے سوئی گیس کے 5 صارفین کو گیس چوری کے الزام میں گرفتار کر کےان کے خلاف محکمانہ کارروائی بھی شروع کر دی گئی ہے۔
سوئی ناردرن گیس پائپ لائن کے ترجمان کے مطابق محکمہ سوئی گیس کی ٹاسک فورس نے اسلام آباد کے علاقے وانی گجراں میں پکڑی جانے والی غیر قانونی پائپ لائن کو قبضے میں لے کر قانونی کارروائی شروع کر دی ہے۔
ترجمان کے مطابق ٹاسک فورس نے سیکٹرز F-8، G-15، G-16، اسلام آباد، رائل ایونیو، چٹھہ بختاور اور بگا شیخاں میں گیس چوروں کے خلاف کریک ڈاؤن شروع کیا ہے اور کمرشل گیس چوری میں ملوث 8 صارفین کے کنکشن بھی منقطع کر دیے ہیں.
گیس چوری میں ملوث مزید پانچ شہریوں کے خلاف ایف آئی آر درج کر کے محکمانہ کارروائی بھی شروع کر دی گئی ہے۔
ترجمان نے مزید کہا کہ حالیہ آپریشن کے دوران گیس چوری میں ملوث گیس صارفین پر 25 لاکھ روپے جرمانہ بھی عائد کیا گیا ہے۔انہوں نے کہا کہ گیس چوروں کے خلاف جاری آپریشن آخری غیر قانونی کنکشن منقطع ہونے تک جاری رہے گا۔
