شیر افضل مروت ڈرائیور لیول کے لوگ ہیں جو جیت کر آگئے فواد چوہدری
Sher Afzal Marwat is driver level people who won
اردو انٹرنیشنل (مانیٹرنگ ڈیسک) تازہ ترین خبریں گزشتہ روز میڈیا سے گفتگو کرتے ہوئے شیر افضل مروت نے سابق وفاقی وزیر پر تنقید کرتے ہوئے کہا تھا کہ فوادچوہدری کا حق نہیں بنتا کہ وہ پی ٹی آئی کی موجودہ قیادت پر تنقید کریں، فواد چوہدری اس روزپولیس کو دیکھ کر ایسےبھاگ رہے تھے جیسے ہتھنی بھاگ رہی ہو، فواد چوہدری کے اس بھاگنےکے عمل نے پوری پی ٹی آئی کا سر شرم سےجھکا دیاتھا۔
ایک انٹرویو کے دوران فواد چوہدری نے شیر افضل سے متعلق گفتگو کرتے ہوئے کہا کہ یہ سارے ڈرائیور لیول کے لوگ ہیں جو جیت کر آگئے ہیں، ان کی سیاسی خدمات کیا ہیں؟ ایسے لوگ حادثاتی طور پر سیاست میں آجاتے ہیں۔
فواد چوہدری نے کہا کہ شیر افضل مروت نے تو اپنے بیٹے کو ہی Wonderful بغیرت کہہ دیا ان میں عقل ہی نہیں ہے، جب تک عمران خان جیل میں بند ہے اس وقت تک فلم بند ہے، یہ سب تو آئٹم سانگ چل رہے ہیں ان کو دیکھ کر انجوائے کریں
دوسری جانب سابق آرمی چیف سے متعلق بات کرتے ہوئے انہوں نے کہا کہ جنرل قمر جاوید باجوہ اچھے آدمی ہیں، ان کے خلاف بات نہیں کی نہ کرنا چاہتا ہوں لیکن میں ان سے مل کر پوچھنا چاہتا ہوں، انہوں نے یہ سب کیوں کیا، جنرل باجوہ سے کہا تھا کہ الیکشن کروادیں لیکن انہوں نے (ن) لیگ سے کہا کہ الیکشن نہیں کروانے، اگر موجودہ آرمی چیف سے ہمارا رابطہ ہوجاتا تو چیزیں خراب نہ ہوتیں۔
