شاہ محمود قریشی نے سائفر کیس کے فیصلے کو اسلام آباد ہائیکورٹ میں چیلنج کردیا
شاہ محمود قریشی نے سائفر کیس کے فیصلے کو اسلام آباد ہائیکورٹ میں چیلنج کردیا
اردو انٹرنیشنل ( مانیٹرنگ ڈیسک ) تفصیلات کے مطابق سابق وزیرِ خارجہ شاہ محمود قریشی نے اپنے خلاف دیے گئے سائفر کیس کے فیصلے کے خلاف اسلام آباد ہائی کورٹ میں درخواست جمع کرا دی.
شاہ محمود قریشی کی جانب سے اسلام آباد ہائی کورٹ میں درخواست جمعہ کے دن بیرسٹر سلمان صفدر، علی بخاری ایڈووکیٹ اور تیمور ملک نے جمع کرائی.
درخواست میں استدعا کی گئی ہے کہ سائفر کیس میں آفیشل سیکرٹ ایکٹ کے تحت قائم خصوصی عدالت کے فیصلے کو کالعدم قرار دیا جائے.
یاد رہے کہ سائفر کیس میں آفیشل سیکرٹ ایکٹ عدالت نےشاہ محمود قریشی اور عمران خان کو 10,10سال قید کی سزا سنائی تھی۔
سائفر کیس: الیکشن کمیشن نے شاہ محمود قریشی کو 5سال کے لیے نااہل کردیا
