وزیراعظم شہباز شریف آج عہدے کا حلف اٹھائیں گے
اردو انٹرنیشنل( مانیٹرنگ ڈیسک) تفصیلات کے مطابق نومنتخب وزیراعظم شہباز شریف آج عہدے کا حلف اٹھائیں گے۔
تفصیلات کے مطابق حلف برداری کی تقریب آج سہ پہر 3 بجے ایوان صدر میں ہوگی، جس کے لیے تیاریاں مکمل کر لی گئی ہیں.
صدر مملکت ڈاکٹر عارف علوی نومنتخب وزیراعظم شہباز شریف سے عہدے کا حلف لیں گے۔
وزیراعظم کی تقریبِ حلف برداری کے لیے وزرائے اعلیٰ، گورنرز اور نگران وزیراعظم کو دعوت نامے جاری کردیے گئے ہیں۔
آرمی چیف جنرل عاصم منیر اور دیگر سروسز چیفس کے ساتھ ساتھ سابق صدر آصف علی زرداری اور چیئرمین پیپلزپارٹی بلاول بھٹو بھی وزیراعظم کی حلف برداری کی تقریب میں شرکت کریں گے۔
