لاہور: پاکستان فٹ بال فیڈریشن (پی ایف ایف) نارملائزیشن کمیٹی 4 سے 6 مئی تک اسلام آباد میں 3 روزہ ٹیلنٹ آئیڈینٹی فکیشن ورکشاپ کا افتتاح کرے گی۔
برطانیہ کے ممتاز اسکاؤٹنگ اسپیشلسٹ ڈیرک بریگ اس ورکشاپ کی قیادت کریں گے اس ورکشاپ کا مقصد پاکستان کے متنوع خطوں سے باصلاحیت فٹ بال کھلاڑیوں کو تلاش کرنا اور ان کی حمایت کرنا ہے۔ یہ اس نوعیت کی پہلی ورکشاپ ہے ، جس میں ملک کے مختلف حصوں سے بہت سے شرکاء حصہ لیں گے۔
ٹیلنٹ اسکاؤٹنگ کے جدید طریقہ کار کا مقصد نہ صرف ٹیلنٹ پول کی گہرائی اور معیار کو بڑھانا ہے بلکہ اس بات کو بھی یقینی بناتا ہے کہ مختلف پس منظر سے تعلق رکھنے والے کھلاڑیوں کو اپنی صلاحیتوں کا مظاہرہ کرنے اور بین الاقوامی سطح پر پاکستان کی ممکنہ نمائندگی کرنے کا یکساں مواقع میسر ہوں ۔ ورکشاپ میں مختلف سرگرمیاں شامل ہوں گی جیسا کہ کھلاڑیوں کی صلاحیتوں کو پرکھنا اور ان کو بہتر بنانے میں مدد کے لیے فیڈ بیک دینا۔