پیپلز پارٹی اور مسلم لیگ ن کا مل کر وفاق میں حکومت بنانے کا اعلان
اردو انٹرنیشنل ( مانیٹرنگ ڈیسک) تفصیلات کے مطابق مسلم لیگ (ن) اور پیپلز پارٹی کے درمیان وفاق اور صوبوں میں حکومت سازی کے لیے معاملات طے پاگئے ہیں۔
اسلام آباد میں سابق صدر آصف علی زرداری اور مسلم لیگ(ن) کے صدر شہباز شریف سمیت دیگر رہنماؤں کے ہمراہ پریس کانفرنس کرتے ہوئے بلاول کا کہنا تھا کہ اب پاکستان پیپلز پارٹی اور مسلم لیگ(ن) کے نمبرز پورے ہو چکے ہیں اور ہم حکومت سازی پر عملدرآمد کریں گے، ہم حکومت بنانے کی پوزیشن میں ہیں۔
دونوں سیاسی جماعتوں کے درمیان مزاکرات کے بعد شہباز شریف کو ملک کا وزیر اعظم جبکہ صدرِ پاکستان کے عہدہ کے لیے آصف علی زرداری کو منتخب کیا گیا ہے.
ذرائع کا کہنا ہے کہ دونوں سیاسی جماعتوں کے درمیان سمجھوتے کے مطابق اسپیکر قومی اسمبلی (ن) لیگ کا ہوگا۔
سندھ اور بلوچستان کی گورنر شپ (ن) لیگ کو ملے گی جب کہ پنجاب کا گورنر پیپلز پارٹی سے ہوگا۔
