اردو انٹرنیشنل اسپورٹس ویب ڈیسک تفصیلات کے مطابق اولمپک ایتھلیٹ ربیکا چیپٹگی سابق بوائے فرینڈ کے ہاتھوں جلائے جانے کے چند دن بعد انتقال کر گئیں
اولمپک ایتھلیٹ ربیکا چیپٹگی ایک سابق بوائے فرینڈ کی طرف سے پٹرول چھڑک کر آگ لگانے کے چند دن بعد انتقال کر گئیں۔ 33 سالہ یوگنڈا میراتھن رنر، جس نے حالیہ پیرس اولمپکس میں حصہ لیا تھا اورمیراتھن میں 44 ویں پوزیشن حاصل کی ، انہوں نے 2022 میں تھائی لینڈ کے چیانگ مائی میں ورلڈ ماؤنٹین اینڈ ٹریل رننگ چیمپئن شپ میں سونے کا تمغہ بھی جیتا تھا، لیکن اتوار کے حملے کے بعد ان کے جسم کا 75% حصہ جھلس گیا تھا۔
شمال مغربی کینیا کے حکام نے، جہاں چیپٹگی رہتی تھی اور تربیت حاصل کی تھی، نے بتایا کہ اسے اپنی دو بیٹیوں کے ساتھ چرچ سے گھر واپس آنے کے بعد نشانہ بنایا گیا۔
ایک مقامی منتظم کی طرف سے درج کرائی گئی رپورٹ میں الزام لگایا گیا ہے کہ کھلاڑی اور اس کے سابق ساتھی زمین کے ایک ٹکڑے پر جھگڑ رہے تھے۔ پولیس کا کہنا ہے کہ تفتیش جاری ہے۔
کینیا میں خواتین کھلاڑیوں پر تشدد کے بڑھتے ہوئے واقعات پر تشویش پائی جاتی ہے جبکہ چیپٹگی اکتوبر 2021 کے بعد مارے جانے والی تیسری ایتھلیٹ ہیں۔
ہسپتال کے باہر صحافیوں سے بات کرتے ہوئے چیپٹگی کے والد، جوزف چیپٹگی نے کہا کہ اس نے ایک بیٹی کھو دی ہے جو “بہت معاون” تھی اور کینیا کی حکومت سے انصاف کی فراہمی کو یقینی بنانے پر بھی زور دیا۔
ایلڈورٹ کے موئی ٹیچنگ اینڈ ریفرل ہسپتال کے سربراہ ڈاکٹر اوون میناچ نے مقامی میڈیا کو بتایا کہ ایتھلیٹ مسز چیپٹیگی اپنے اعضاء کی خرابی کے باعث انتقال کر گئیں ہیں ۔ ان کے سابق بوائے فرینڈ کو بھی جھلس جانے کی وجہ سے ہسپتال میں داخل کرایا گیا تھا، لیکن اس کی چوٹیں چیپٹیگی جتنی شدید نہیں تھیں۔ ڈاکٹر میناچ کے مطابق، وہ اب بھی آئی سی یو میں ہے لیکن بہتر ہو رہا ہے۔
مقامی پولیس کے مطابق، جوڑے کو اپنے گھر کے باہر جھگڑتے ہوئے سنا گیا، اور لڑائی کے دوران، بوائے فرینڈ نے مبینہ طور پر چیپٹگی پرپٹرول چھڑکا اور اسے آگ لگا دی۔
محترمہ چیپٹگی، اصل میں یوگنڈا سے ہیں، جنہوں نے کینیا میں اتھلیٹک تربیتی مراکز کے قریب ہونے کے لیے زمین خریدی تھی اور ایک گھر بنایا تھا۔ یوگنڈا کی اولمپک کمیٹی کے رہنما ڈونلڈ روکارے نے ایکس پر ایک پوسٹ میں اسے بزدلانہ اور بے ہودہ فعل قرار دیتے ہوئے کہا کہ ہم نے ایک عظیم ایتھلیٹ کو کھو دیا۔
