لاہور :الیکشن 2024ء کی تشہیری مہم کیلئے ضابطہ اخلاق جاری کردیا
اردو انٹرنیشنل (مانیٹرنگ ڈیسک) لاہور کے ڈسٹرکٹ مانیٹرنگ افسر (ڈی ایم او) نے الیکشن 2024ء کی تشہیری مہم کے لئے ضابطہ اخلاق جاری کردیا۔ڈی ایم او لاہور عمر مقبول کا کہنا ہے کہ پمفلٹ، پوسٹر، کتابچے مقررہ سائز سے زیادہ شائع کرنے پر پابندی ہوگی۔
انہوں نے کہا کہ پرنٹنگ مٹیریل پر پرنٹرز کا نام نمایاں پرنٹ کرنا لازمی ہوگا جبکہ بل بورڈز، وال چاکنگ اور پینا فلیکس پر مکمل پابندی عائد ہوگی۔ڈی ایم او عمر مقبول کا کہنا تھا کہ سیاسی امیدوار، الیکشن ایجنٹ تشہیری مواد پر سرکاری اہلکار کی تصویر نہیں چھاپ سکے گا۔
عمر مقبول نے کہا کہ سرکلر پر درج ہدایت نامے کی خلاف ورزی کرنے والے پرنٹنگ پریس مالکان کیخلاف کارروائی ہوگی۔
