کائل میئرز برینڈن کنگ کی جگہ ویسٹ انڈیز کے ٹی ٹوئنٹی ورلڈ کپ اسکواڈ میں شامل
اردو انٹرنیشنل (اسپورٹس ڈیسک) تفصیلات کے مطابق کنگ انگلینڈ کے خلاف سپر 8 مقابلے میں بیٹنگ کرتے ہوئے انجری کا شکار ہوئے تھے، جس میں ویسٹ انڈیز کو8 وکٹوں سے شکست ہوئی تھی۔
دائیں ہاتھ کے بلے باز نے اپنی ٹیم کو 13 گیندوں پر 23 رنز کے ساتھ ایک تیز آغاز فراہم کیا جس میں ریس ٹوپلے کی گیند پر تین چوکے اور 101 میٹر کا زبردست چھکا شامل تھا۔
تاہم، اپنی 13 ویں گیند پر، وہ سیم کرن کو باؤنڈری مارنے کے لیے آگے بڑھےاور انجری کا شکار ہو گئےان کو مختصر طبی امداد ملی ان کی جگہ شیمرون ہیٹمائر متبادل فیلڈر کے طور پر میدان میں اترے۔
ایم آر آئی اسکین کے بعد، اس بات کی تصدیق ہوئی کہ کنگ ٹورنامنٹ میں مزید حصہ نہیں لے سکتے جس کے بعد آئی سی سی ایونٹ ٹیکنیکل کمیٹی نے میئرز کو ان کے متبادل کے طور پر منظوری دے دی۔
آئی سی سی کی ایک ریلیز میں کہا گیا ہے کہ “آئی سی سی مینز ٹی 20 ورلڈ کپ 2024 کی ایونٹ ٹیکنیکل کمیٹی نے بائیں ہاتھ کے بلے باز کائل میئرز کو ویسٹ انڈیز کے اسکواڈ میں برینڈن کنگ کے متبادل کے طور پر منظوری دے دی ہے۔