کاملا ہیرس نے ڈیموکریٹک پارٹی کی صدارتی نامزدگی حاصل کرلی
امریکی نائب صدر کاملا ہیرس نے جمعے کے روز باضابطہ طور پر ڈیموکریٹک صدارتی نامزدگی حاصل کر تے ہوئے ملک کی پہلی سیاہ فام خاتون کی ایک بڑی پارٹی کی نامزد امیدوار بننےکا اعزاز بھی حاصل کرلیا.
کاملا ہیرس نومبر میں ہونے والے الیکشن میں ریپبلکن امیدوار ڈونلڈ ٹرمپ کے مدمقابل ہوں گی۔
تقریباً 4,000 ڈیموکریٹک مندوبین نے ورچوئل ووٹنگ کے ذریعے کاملا ہیرس کو اپنا امیدوار نامزد کرنے کے لئے ووٹ دیا.
کاملا ہیرث واحد امیدوار ہیں جنہوں نے رول کال ووٹ کے لیے کوالیفائی کیا تھا اور زیادہ تر مندوبین نے پہلے ہی اس کی تائید کر دی تھی.
کاملا ہیریس نے ووٹنگ کے دوسرے دن کے بعد پارٹی کی تقریب میں فون پر کہا کہ مجھے امریکا کے صدر کے عہدے کے لیے ممکنہ ڈیموکریٹک امیدوار ہونے کا اعزاز حاصل ہوا ہے۔
اس ماہ کے آخر میں شکاگو کے کنونشن میں انہیں باضابطہ طور پر امیدوار نامزد کیا جائے گا.
واضح رہے کہ صدر جو بائیڈن کی جانب سے صدارت کے منصب سے دستبرداری کے دو ہفتوں بعد کاملا ہیرس نے پارٹی کی مکمل حمایت حاصل کر لی ہے۔
