اردو انٹرنیشنل اسپورٹس ڈیسک تفصیلات کے مطابق یوٹیوبر اور باکسنگ پلیئر جیک پال، اس موسم گرما میں سابق عالمی چیمپئن مائیک ٹائسن سے لڑیں گے۔ یہ فائٹ 20 جولائی کو ٹیکساس میں ہوگی اور اسے پروفیشنل میچ کے طور پر باضابطہ طور پر منظور کر لیا گیا ہے۔
یہ لڑائی جیک پال اور مائیک ٹائسن کے باکسنگ ریکارڈ میں شمار ہوگی۔ تاہم، لڑائی کے لئے کچھ اصول مقرر کر دیے گئے ہیں جیسا کہ اس کے آٹھ راؤنڈ ہوں گے، ہر راؤنڈ دو منٹ تک جاری رہے گا، اور فائٹرز کو 14 اونس کے دستانے پہننے ہوں گے۔
ٹیکساس ڈیپارٹمنٹ آف لائسنسنگ اینڈ ریگولیشن نے فائٹ کی اجازت دینے سے پہلے جیک پال اور مایئک ٹائسن کی باکسنگ کی تاریخ اور میڈیکل ریکارڈز کو دیکھا۔ انہوں نے میچ کے لیے فائٹرز کو کچھ استثنیٰ بھی دے دی ۔
مائیک ٹائسن کی عمر اس وقت 58 سال ہے اور 2005 سے اب تک انہوں نے کسی پیشہ ورانہ لڑائی میں حصہ نہیں لیا جبکہ 2020 میں انہوں نے ایک نمائشی میچ کھیلا۔ دوسری طرف جیک پال نے مارچ میں ریان بورلینڈ کے خلاف اپنی آخری فائٹ جیتی تھی۔
