ایران جنگ نہیں چاہتا مگر حقوق پر کوئی سمجھوتہ نہیں ہوگا: مجتبیٰ خامنہ ای

تہران (مانیٹرنگ ڈیسک) ایران کے سپریم لیڈر مجتبیٰ خامنہ ای نے واضح کیا ہے کہ ایران جنگ نہیں چاہتا، تاہم اپنے قومی حقوق سے کسی صورت دستبردار نہیں ہوگا۔

سرکاری ٹیلی وژن پر نشر کیے گئے بیان میں انہوں نے کہا کہ ایران آبنائے ہرمز کے انتظام کو مزید مؤثر بنانے جا رہا ہے اور ملک پر حملہ کرنے والوں کو ہرگز معاف نہیں کیا جائے گا۔

سپریم لیڈر کا کہنا تھا کہ ایران ہر قسم کے نقصان کا ازالہ طلب کرے گا اور آبنائے ہرمز کے حوالے سے نیا طریقہ کار اختیار کیا جائے گا۔ انہوں نے ایرانی قوم کو خراجِ تحسین پیش کرتے ہوئے کہا کہ بہادر عوام نے اس مشکل مرحلے میں کامیابی حاصل کی ہے۔

انہوں نے مزید خبردار کیا کہ بڑی اور متکبر طاقتیں کسی بھی موقع پر خطے کے ممالک کا استحصال کرنے اور انہیں دباؤ میں لانے سے گریز نہیں کریں گی، اس لیے خطے کے ممالک کو ہوشیار رہنے کی ضرورت ہے۔