India lost the Guwahati Test by 408 runs, whitewashed 2-0 by South Africa-AFP
جنوبی افریقہ نے برسپارا کرکٹ اسٹیڈیم میں دوسرے ٹیسٹ میں بھارت کو 408 رنز سے شکست دے کر سیریز میں 0-2 سے کلین سویپ کر دیا۔
اسپنر سائمن ہارمر نے میچ میں نو وکٹیں حاصل کر کے شاندار کارکردگی دکھائی۔
پروٹیز نے پہلے بیٹنگ کرتے ہوئے 489 رنز بنائے، جس میں سینورن متھوسامی کی شاندار سنچری (109) اور مارکو جانسن کی جارحانہ 93 رنز کی اننگز شامل تھیں۔
بھارت کی جانب سے کلدیپ یادیو نے چار وکٹیں حاصل کیں۔
جواب میں بھارتی ٹیم پہلی اننگز میں صرف 201 رنز پر سمٹ گئی یشسوی جیسوال (58) اور واشنگٹن سندر (48) کے سوا کوئی بیٹر نمایاں نہ ہو سکا، جبکہ جانسن نے چھ وکٹیں حاصل کیں۔ جنوبی افریقہ نے فالو آن نہ دیتے ہوئے دوسری اننگز 260/5 پر ڈکلیئر کی اور بھارت کو 549 رنز کا بڑا ہدف دیا۔
ہدف کے تعاقب میں بھارتی بیٹنگ لائن ایک بار پھر ناکام رہی اور ٹیم 140 رنز پر ڈھیر ہو گئی رویندرا جدیجا نے 54 رنز کی مزاحمتی اننگز کھیلی، تاہم ہارمر نے چھ وکٹیں لے کر میزبان ٹیم کی امیدوں کا خاتمہ کردیا۔
اس شاندار جیت کے ساتھ جنوبی افریقہ نے ہندوستانی سرزمین پر تاریخی سیریز وائٹ واش مکمل کیا۔
