India beat Zimbabwe in the third T20I to take a 2-1 lead in the series
بھارت نے زمبابوے کو تیسرے ٹی ٹوئنٹی میں شکست دے کر سیریز میں 2-1 کی برتری حاصل کر لی
اردو انٹرنیشنل (اسپورٹس ڈیسک) تفصیلات کے مطابق بھارت نے ہرارے اسپورٹس کلب میں تیسرے ٹی ٹوئنٹی میں زمبابوے کو 23 رنز سے شکست دے کر سیریز میں 2-1 کی برتری حاصل کر لی۔
مین ان بلیو نے 4 وکٹوں کے نقصان پر 182 رنز بنانے کے بعد میزبان ٹیم کو 159/6 کے مجموعی اسکور تک محدود رکھا۔
اس سے قبل ہندوستانی کپتان شبمن گل نے 49 گیندوں پر 66 اور روتوراج گائیکواڈ نے 49 رنز بنائے۔
یشسوی جیسوال نے سیریز کے اپنے پہلے کھیل میں 36 رنز بنائے انہوں نے اپنی 27 گیندوں کی اننگز میں 4چوکے اور 2 چھکے لگائے،گل اپنی اننگز میں تباہ کن رہے جب انہوں نے 7 چوکے اور 3 چھکے لگائے اور مخالفین کو بے حال چھوڑ دیا۔
دوسرے میچ میں شاندار 100 رنز بنانے والے ابھیشیک شرما 10 رنز بنا کرآوٹ ہو گئےاننگز کے اختتام پر، سنجو سیمسن نے 7 گیندوں میں 12 رنز بنا کر ہندوستان کی اننگز کا اختتام کیا.
زمبابوے کی جانب سے برکت مزارانی اور سکندر رضا نے 2 وکٹیں حاصل کیں۔
زمبابوے نے رنز کے تعاقب میں مشکلات کا سامنا کرتے ہوئے 39 پر پانچ وکٹیں گنوا دیں ڈیون مائرز اور کلائیو مڈاندے کے درمیان شراکت نے انہیں امید دلائی .
مائرز 49 گیندوں پر 65 رنز پر ناٹ آؤٹ رہے جہاں انہوں نے 7 چوکے اور ایک چھکا لگای مڈانڈے نے 26 گیندوں پر 37 رنز بنائے۔
بھارت کے لیے واشنگٹن سندر بہترین گیند باز رہے، جنہوں نے 3 کھلاڑیوں کو آوٹ کیا جبکہ اویش خان2 وکٹیں حاصل کیں۔
یاد رہے کہ زمبابوے نے پہلے ٹی ٹوئنٹی میں بھارت کو 13 رنز سے شکست دی تھی جبکہ دوسرے ٹی ٹوئنٹی میں بھارت نے واپسی کرتے ہوئے میزبان ٹیم کو 100 رنز سے شکست دی تھی۔
