رشوت مانگنے والے افسر کے سر پر اینٹ مارو اور میرا نام لو، علی امین گنڈاپور

اردو انٹرنیشنل ( مانیٹرنگ ڈیسک) تفصیلات کے مطابق وزیرِ اعلیٰ خیبر پختون خوا علی امین گنڈاپور نے صوبے کے عوام سے کہا ہے کہ رشوت مانگنے والے افسر کے سر پر اینٹ مارو اور نام میرا لو۔

تفصیلات کے مطابق ڈیرہ اسماعیل خان کے گاؤں سید علیاں میں کارکنان سے خطاب کرتے ہوئے وزیرِ اعلیٰ خیبر پختون خوا علی امین گنڈا پور نے کہا کہ رشوت لینے اور دینے والا دونوں دوزخی ہیں، رشوت مانگنے والے افسرکے سرپر اینٹ مارو اور نام میرا لو۔

انہوں نے کہا کہ مجھے کبھی شکایت نہ کریں کہ فلاں رشوت مانگ رہا ہے، رشوت مانگنے والے کے سرپراینٹ مارکر اس کے بیٹے کو کہو آپ کے والد کو جہنم سےبچایا ہے۔

وزیراعلیٰ کے پی کا کہنا تھا کہ نہ خود جہنمی بنو اور نہ مجھے بناؤ لہٰذا عوام غیرت کرے اور رشوت خور کو موقع پر سزا دے۔