فرنچ اوپن: کارلوس الکاراز اور الیگزینڈر زویریف فائنل میں آمنے سامنے ہوں گے

فرنچ اوپن کارلوس الکاراز اور الیگزینڈر زویریف فائنل میں آمنے سامنے ہوں گے

اردو انٹرنیشنل اسپورٹس ویب ڈیسک تفصیلات کے مطابق کارلوس الکاراز نے اپنے پہلے فرنچ اوپن ٹائٹل کی طرف ایک اور قدم بڑھاتے ہوئے ایک دلکش سیمی فائنل میں دنیا کے آنے والے نمبر ایک جینیک سینر کو شکست دی۔

ہسپانوی تھرڈ سیڈڈ کھلاڑی الکاراز نے دو بار پیچھے رہ کر مضبوطی کا مظاہرہ کرتے ہوئے 2-6، 6-3، 3-6، 6-4، 6-3 سے کامیابی حاصل کی۔

الکاراز نے دو میچ پوائنٹس ضائع کیے – ایک بار بیس لائن سے گیند کو نیٹ میں مارا اور پھر ایک لمبا فورہینڈ مارا لیکن تیسرے موقع پر فتح حاصل کرنے میں کامیاب ہوئے۔

اتوار کو مردوں کے فرنچ اوپن فائنل میں ان کا مقابلہ جرمنی کے چوتھے نمبر کے کھلاڑی الیگزینڈر زویریو سے ہوگا۔

عالمی رینکنگ میں دوسرے نمبر کے اطالوی کھلاڑی سینر، جو تیسرے سیٹ میں کریمپس کا شکار تھے، جنوری میں آسٹریلین اوپن جیتنے کے بعد لگاتار بڑے ٹائٹلز جیتنے کی کوشش کر رہے ہیں ۔

لیکن اس میچ میں الکاراز کھیل آگے بڑھنے کے ساتھ ساتھ مضبوط ہوتے گئے اور آخر پہ کامیابی سمیٹی .الکاراز نے میچ کے بعد اپنے جذبات کا اظہار کرتے ہوئے کہا کہ

“آپ کو تکلیف میں خوشی تلاش کرنی پڑتی ہے، یہی راز ہے،”۔

“خصوصاً یہاں مٹی پر – طویل ریلیاں، چار گھنٹے کے میچ، پانچ سیٹ، آپ کو لڑنا پڑتا ہے۔ لیکن آپ کو تکلیف میں خوشی محسوس کرنی پڑتی ہے۔”

21 سالہ الکاراز اب کیرئیر گرینڈ سلام کے تین مراحل مکمل کرنے سے صرف ایک جیت کی دوری پر ہیں، وہ 2022 کے یو ایس اوپن اور گزشتہ سال ومبلڈن میں فتح حاصل کر چکے ہیں۔

جبکہ اس میچ کے کچھ دیر بعد ہی زویریو، نے جمعہ کو دوسرے سیمی فائنل میں ناروے کے ساتویں نمبر کے کھلاڑی کیسپر روڈ کے خلاف 2-6، 6-2، 6-4، 6-2 سے کامیابی حاصل کی۔

زویریو نے برلن میں اپنی سابقہ گرل فرینڈ کی طرف سے لگائے گئے گھریلو تشدد کے الزامات کے مقدمے کے ختم ہونے کے بعد چند گھنٹے بعد ہی میچ کھیلا۔