اردوان کا اسرائیلی جارحیت رکوانے کیلئے امریکہ پر دباؤ ڈالنے کا مطالبہ

اردو انٹرنیشنل (مانیٹرنگ ڈیسک ) ترکی کے صدر رجب طیب اردوان کا کہنا ہےکہ ہمیں مصر اور خلیجی ممالک سے بات چیت کرنی چاہیے اور امریکہ پر دباؤ ڈالنا چاہیے، امریکہ اور مغرب کو اسرائیل پر دباؤ بڑھانا چاہیے، یہ ہمارے لیے سیز فائر تک جانے کا اہم راستہ ہے۔
بین الاقوامی میڈیا کے مطابق ایک بیان میں طیب اردوان نے کہا کہ امریکہ ہرصورت یہ تسلیم کرے کہ غزہ فسلطین کا حصہ ہے۔ جب تک واشنگٹن یہ تسلیم نہیں کرلیتا کہ غزہ فلسطین کا حصہ ہے تب تک کوئی معاہدہ نہیں ہوگا.

ترک صدر کا کہنا تھا کہ اس معاملے میں ایک انتہائی اہم ملک کے امریکا کے ساتھ جڑنے کی ضرورت ہے جس کا اسرائیل میں اثرو رسوخ ہے۔

انہوں نے کہا کہ انٹونی بلنکن ترکیہ میں رہے ہیں اور میں سمجھتا ہوں کہ جوبائیڈن کو اس معاملے میں ہماری میزبانی کرنا چاہیے، یہ میرے لیے مناسب نہیں ہوگا کہ میں انہیں ٹیلی فون کروں جبکہ طیب اردوان نے امریکی صدر جوبائیڈن کو ٹیلی فون کرنے سے انکار کیاہے.