ای ایف ایل کپ کا ٹائٹل لیور پول کے نام
ای ایف ایل کپ کے فائنل میں لیور پول اور چیلسی ویمبلے میں مدِ مقابل تھے۔ لیورپول کو میچ سے پہلے کئی چیلنجوں کا سامنا تھا جس میں صلاح اور نونیز سمیت اہم کھلاڑیون کی انجری کے باعث عدم دستیابی شامل تھی ۔ اس کے باوجود لیورپول کے نوجوان کھلاڑیوں نے کھیل میں قدم جمائے رکھے اور میچ جیتنے میں کامیاب رہا۔ مینیجر کلوپ نے ایک بڑے کھیل میں نوجوان کھلاڑیوں پر بھروسہ کیا، اور انہوں نے بڑی مہارت سے میچ جیتا ۔ ورجل وان ڈائیک اور گول کیپر کیلیہر نے فتح میں اہم کردار ادا کیا۔ یہ جیت لیورپول کے اعتماد کو بڑھاتی ہے اور ظاہر کرتی ہے کہ وہ اپنے مینیجر کلوپ کو اینفیلڈ میں یادگار الوداع دینے کے لیے پرعزم ہیں۔
یہ فتح مقابلے میں لیورپول کی 10ویں جیت ہے، جس سے وہ کاراباؤ کپ میں سب سے زیادہ جیتنے والی ٹیم بن گئی ہے۔ لیورپول نے مضبوط آغاز کیا، اینڈی رابرٹسن کے کراس سے لوئس ڈیاز نے تقریباً گول کر دیا، لیکن چیلسی کے گول کیپر، جورڈجے پیٹروِچ نے بہترین سیو کیا۔
ایلکس میک الیسٹر نے ایک طویل شاٹ لیا لیکن چیلسی کے گول کیپر پیٹرووچ اسے روکنے میں کامیاب ہوگئے ۔ تھوڑی دیر بعد لوئس ڈیاز کے پاس گول کرنے کا ایک اچھا موقع تھا لیکن پیٹروچ نے پھر اسے ناکام بنا دیا ۔ اس کے بعد چیلسی نے مزید کوششیں جاری رکھیں، رحیم سٹرلنگ نے تقریباً گول کر دیا، لیکن لیورپول کے کونور بریڈلی نے اسے ناکام بنا دیا، اور گول کیپر کیلیہر نے کول پامر کے شاٹ کو شاندار طریقے سے سیو کیا ۔ چیلسی کے ایک اور کھلاڑی نکولس جیکسن کا شاٹ بلاک ہوا۔ لیورپول کو آغاز میں ریان گراوینبرچ کے زخمی ہونے کی وجہ سے گومزکو متبادل کے طور پر کھیل میں شامل کرنا پڑا ۔
ہاف ٹائم سے پہلے لیورپول کے کونور بریڈلی کو گول کرنے کا موقع ملا لیکن ان کی شاٹ کو چیلسی کے ڈیفنڈرز نے روک دیا۔ دوسرے ہاف کے آغاز میں چیلسی کے اینزو فرنانڈیز کے پاس گول کرنے کا اچھا موقع تھا لیکن وہ گیند پر ٹھیک طرح سے قابو نہ رکھ سکے اور یہ موقع ضائع ہوگیا۔ اس کے بعد چیلسی کے گول کیپر پیٹرووچ نے لیورپول کے ہاروی ایلیٹ کی والی کو مسترد کرنے کے لیے زبردست سیو کیا ۔ بعد میں، لیورپول کے ورجیل وین ڈجک نے گول کیا، لیکن آف سائیڈ رولنگ کی وجہ سے اسے مسترد کر دیا گیا۔ دونوں ٹیموں کو گول کرنے کے مواقع ملے لیکن مقررہ وقت میں کوئی بھی ٹیم گول نہ کر سکی۔ اور یوں اسکور 0-0 رہا۔
اضافی وقت میں لیور پول کے ہاروی ایلیٹ نے ہیڈر سے تقریباً گول کر دیا لیکن چیلسی کے گول کیپر پیٹرووک نے گیند کو لائن سے باہر کر دیا۔ تاہم لیورپول کی جانب سے ورجل وان ڈائیک نے 118 ویں منٹ میں گول کر کے میچ جیتنے کا اعزاز حاصل کیا۔ اور اس طرح کھیل کا اختتام ، ویمبلے میں لیورپول کی 1-0 سے جیت کے ساتھ ہوا۔
لیور پول کے لیے ورجل وان ڈائیک نے اضافی وقت میں ہیڈر کے ذریعے فاتحانہ گول کیا۔ ٹیم چیلسی کے پاس جیتنے کے مواقع تھے لیکن وہ انہیں گول میں تبدیل نہ کرسکی۔ یہ ہار چیلسی کے لیے مایوس کن ہے، جو ویمبلے میں لگاتار چھ فائنل ہار چکی ہے جس میں تین فائنل وہ لیور پول سے ہاری ہے، دو سال قبل بھی لیور پول کے ہاتھوں چیلسی کو فائنل میں شکت ہوئی تھی ۔
