لاہور : جوڈیشل مجسٹریٹ نے سابق وزیراعلیٰ پنجاب اور تحریک انصاف کے صدر پرویز الٰہی کے جسمانی ریمانڈ میں 2 روز کی توسیع کردی۔
پرویز الٰہی کے خلاف پنجاب اسمبلی میں بھرتیوں میں بدعنوانی کے کیس کی سماعت لاہور کی مقامی عدالت میں ہوئی.
اینٹی کرپشن حکام نے پرویز الہی کو عدالت کے روبرو پیش کیا اور 12 روز کے جسمانی ریمانڈ کی استدعا کی.انہوں نے عدالت کو بتایا کہ پرویز الٰہی سے مزیدتفتیش درکار ہے اس لئے عدالت مزیدریمانڈ فراہم کرے.
سماعت میں پرویز الٰہی کے وکیل نےعدالت سے کہا کہ ضمنی کے مطابق پرویز الہی کواینٹی کرپشن ٹیم ان کی رہائش گاہ لے کرگئی اور پرویز الٰہی نےاپنے بیڈروم کے دراز سے 41 لاکھ روپے ریکورکروائے، ضمنی میں نہ تھانے سے روانگی کا ذکر کیا گیا ہ اور نہ ہی وقت کا ذکر ہے.پرویز الٰہی کے وکیل نے اپنے مؤکل کے جسمانی ریمانڈ کی مخالفت کی جس پر عدالت نے فیصلہ محفوظ کرلیا اور کچھ دیر بعد سناتے ہوئے پرویز الہی کے ریمانڈ میں 2 دن کی توسیع کردی۔
