چینی صدر کی آصف علی زرداری کو صدر پا کستان منتخب ہونے پر مبارکبا د
اردو انٹرنیشنل ( مانیٹرنگ ڈیسک) تفصیلات کے مطابق چین کے صدر شی جن پنگ نے آصف علی زرداری کو اسلامی جمہوریہ پاکستان کا صدر منتخب ہونے پر مبارک باد دی ہے۔
چین کے سرکاری خبر رساں ادارے کے مطابق اپنے پیغام میں صدر شی جن پنگ نے کہا کہ چین اور پاکستان اچھے پڑوسی، دوست، شراکت دار اور بھائی ہیں اور دونوں ممالک کی آہنی دوستی دونوں عوام کے لیے قیمتی خزانہ ہے۔
شی جن پنگ کا کہنا تھا کہ دونوں ممالک نے سی پیک کی تعمیر میں مثبت نتائج حاصل کیے، اور دونوں ممالک نے بنیادی مفادات سے متعلق امور پر ایک دوسرے کی حمایت کی ہے۔
چینی صدر نے کہا کہ وہ پاک چین تعلقات کو بہت اہمیت دیتے ہیں اور پاکستان کے ساتھ مختلف شعبوں میں عملی تعاون آگے بڑھانے کے لیے صدر زرداری کے ساتھ کام کرنےکے لیے تیار ہیں۔
Latest Urdu news, Urdu videos, Urdu blogs and columns – اردو انٹرنیشنل
