بائیڈن کے اہل خانہ کا انہیں امریکی صدارتی دوڑ میں شامل رہنے کا مشورہ
اردو انٹرنیشنل (مانیٹرنگ ڈیسک) تازہ ترین خبریں امریکی صدر جو بائیڈن کے خاندان نے انہیں صدارتی مباحثے میں خراب کارکردگی کے باوجود دوسری مدت کے لیے صدارتی الیکشن کی دوڑ میں رہنے کے لیے کہا ہے، کیونکہ خاندان کے کچھ افراد نے تنقید کی تھی کہ ان کے عملے نے انھیں گزشتہ ہفتے چیلنجر ڈونلڈ ٹرمپ کے مقابلے کے لیے کس طرح تیار کیا تھا۔
بائیڈن نے اتوار کو میری لینڈ میں صدارتی کیمپ ڈیوڈ میں خاتون اول جل بائیڈن، اپنے بچوں اور پوتے پوتیوں کے ساتھ دن گزارا.
دوسری جانب صدارتی مباحثے میں صدر بائیڈن کی ناقص کارکردگی کے بعد عطیہ دہندگان اور کانگریس مین نے بائیڈن سے صدار تی انتخاب کی دوڑ ترک کرنے کا مطالبہ کیا ہے۔
غیر ملکی میڈیا کے مطابق بائیڈن کے پاس دستبرداری کیلئے ایک ہفتے کا وقت رہ گیا ہے۔ اس کے بعد پارٹی قوانین کے مطابق بائیڈن کو ہٹانا ناممکن ہے جس کیلئے سابق صدر بارک اوباما، ہلیری اور جل بائیڈن سے انہیں دستبردار کرانے پر زور دیا جا رہا ہے۔ میڈیا کے مطابق بائیڈن نے صدارتی انتخابات کی دوڑ سے باہر ہونے کا ابھی تک کوئی اشارہ نہیں دیا۔
today’s Urdu news
واضح رہے کہ سی این این کے تحت منعقد ہونے والے اس مباحثہ میں صدر بائیڈن سابق صدر ڈونلڈ ٹرمپ کا مناسب مقابلہ کرنے اور اپنا سیاسی پیغام واضح طور سے سامنے لانے میں ناکام رہے تھے۔
اس بحث میں بائیڈن کے طرز عمل، لڑکھڑانے اور بھول جانے کے متعدد مواقع کی وجہ سے امریکہ میں یہ بحث زور پکڑتی جا رہی ہے کہ ٹرمپ کو شکست دینے کے لیے ڈیموکریٹک پارٹی کو کوئی دوسرا تازہ دم اور چست و چالاک امیدوار میدان میں لانا چاہیے۔ البتہ اب یہ معاملہ پارٹی سے زیادہ جو بائیڈن کے ہاتھ میں ہے۔
