اردو انٹرنیشنل اسپورٹس ڈیسک تفصیلات کے مطابق وانڈا میٹرو پولیٹانو اسٹیڈیم میں اٹلیٹیکو میڈرڈ اور ایتھلیٹک بلباؤ کے درمیان لا لیگا میچ کے دوران، ایتھلیٹک بلباؤ کے کھلاڑی نیکو ولیمز کو اٹلیٹیکو میڈرڈ کے حامیوں کی جانب سے نسلی بدسلوکی کا سامنا کرنا پڑا۔
ولیمز نے اس کے بعد ریفری سے پہلے ہاف کے وسط میں میچ روکنے کو کہا۔ جس وجہ سے میچ کچھ دیر کے لیے روک دیا گیا تاہم کھیل میں وقفے اور اسٹیڈیم کے مقررین کے رویے کو روکنے کے باوجود، اٹلیٹیکو میڈرڈ کے شائقین کی جانب سے بدسلوکی جاری رہی۔
جس کے نتیجے میں ہسپانوی فٹ بال فیڈریشن نے میڈرڈ کے خلاف کارروائی کی۔ انہوں نے کلب پر 20,000 یورو (تقریباً 17,000 پاؤنڈ) جرمانہ کیا۔ مزید برآں، انہوں نے اسٹیڈیم کا وہ حصہ جہاں بدسلوکی ہوئی تھی شائقین کے لیے دو میچز کے لیے بند کر دیا ۔
بندش کے دوران، ہسپانوی فٹ بال فیڈریشن نے ہدایت کی کہ بند ہونے والے حصے میں نسل پرستی اور زینو فوبیا کی مذمت کرنے والے پیغامات دکھائے جائیں۔ جس کا مقصد ایسے رویے کے خلاف پیغام دینا ہے۔
بدسلوکی کے باوجود ولیمز میچ کے دوران گول کرنے میں کامیاب رہے۔ لیکن اٹلیٹیکو میڈرڈ نے میچ 3-1 سے جیت لیا ۔ میچ کے بعد ولیمز نے اس واقعے پر تبصرہ کرتے ہوئے کہا کہ یہ انتہائی مایوس کن ہے اور نسل پرستی کے خلاف جنگ جاری رکھنے کے عزم کا بھی اظہار کیا۔
