اسد طور کو ایف آئی اے نے گرفتار کر لیا, وکیل ایمان زینب مزاری
اسد طور کو ایف آئی اے نے گرفتار کر لیا, وکیل ایمان زینب مزاری
اردو انٹرنیشنل(مانیٹرنگ ڈیسک) تفصیلات کے مطابق وفاقی تحقیقاتی ایجنسی (ایف آئی اے) نے صحافی اسد علی طور کو گزشتہ روز گرفتار کرلیا۔
پاکستان میں صحافی اسد طور کی وکیل ایمان زینب مزاری نے اس خبر کے حوالے سے کہا ہے کہ ایف آئی اے حکام نے یہ تصدیق کی ہے کہ اسد طور کو انھوں نے گرفتار کر لیا ہے تاہم انھوں نے مقدمے کی تفصیلات نہیں بتائی ہیں۔
یاد رہے کہ گزشتہ ہفتے صحافی عمران ریاض اور اسد طور دونوں کو اعلیٰ عدلیہ کے ججز کے خلاف سوشل میڈیا کیمپین چلانے پر ایف آئی اے نے نوٹس جاری کیے تھے.
ایف آئی اے نے اسد طور کو اسلام آباد میں ایف آئی اے کے سائبر کرائم رپورٹنگ سینٹر میں پیش ہونے کا نوٹس جاری کیا تھا.
ایمان زینب مزاری نے کہا کہ اسد طور ہفتے کو جاری کیے گئے نوٹس کا جواب دینے کیلئے اسلام آباد میں ایف آئی اے کے سائبر کرائم رپورٹنگ سینٹر پہنچے تھے مگر پھر رات تقریباً سوا نو بجے ان کی گرفتاری کی تصدیق کی گئی.
