اردو انٹرنیشنل اسپورٹس ویب ڈیسک تفصیلات کے مطابق پاکستان کے اسٹار ایتھلیٹ اورپیرس اولمپکس 2024 کے جیولن تھرو ایونٹ میں 92.97 کی ریکارڈ تھرو پھینک کر پاکستان کے لیے چالیس سال کے طویل عرصے کے بعد اولمپک گولڈ میڈل جیتنے والے ارشد ندیم کو میزان بینک کے ہیڈ کوارٹر میزان ہاؤس میں منعقدہ ایک خصوصی تقریب میں ان کی تاریخی کامیابی پر انعا م سے نوازا گیا ۔
میزان بینک کے سینکڑوں ملازمین کی پرجوش تالیوں کے پس منظر میں، ارشد ندیم کو بینک کے بانی صدر اور سی ای او جناب عرفان صدیقی سے 9,297,000 روپے کا چیک موصول ہوا۔ اس کے علاوہ انہیں میزان بینک کے ڈی سی ای او سید امیر علی کی جانب سے ان کی تاریخی کامیابی پر یادگاری تختی اور تمغہ سے بھی نوازا گیا۔
