اڈیالہ جیل کو بڑی تباہی سے بچالیا گیا، تین دہشت گرد گرفتار
اردو انٹرنیشنل ( مانیٹرنگ ڈیسک ) تفصیلات کے مطابق راولپنڈی پولیس اور محکمہ انسداد دہشتگردی (سی ٹی ڈی) نے مشترکہ کارروائی کرتے ہوئے 3 مبینہ دہشتگردوں کو گرفتار کرکے اڈیالہ جیل کو بڑی تباہی سے بچالیا۔
سٹی پولیس آفیسر (سی پی او) راولپنڈی خالد ہمدانی نے بتایا کہ راولپنڈی پولیس اور سی ٹی ڈی نے مشترکہ کارروائی کی جس میں تین دہشتگرد گرفتار کیے گئے.
گرفتار تینوں دہشتگردوں کا تعلق افغانستان سے ہے، دہشتگردوں کے قبضے سے جیل کا نقشہ، دستی بم اور دیسی ساختہ بم (آئی ای ڈی) اور بھاری اسلحہ برآمد کیا گیا ہے۔
انہوں نے بتایا کہ پولیس اور قانون نافذ کرنے والے اہلکاروں نے اڈیالہ جیل اور اس کے اطراف میں سرچ آپریشن شروع کردیا ہے۔
