چیمپئنز ون ڈے کپ: پینتھرز نے ڈولفنز کو 50 رنز سے ہرا کر پہلی جیت اپنے نام کر لی

چیمپئنز ون ڈے کپ: پینتھرز نے ڈولفنز کو 50 رنز سے ہرا کر پہلی جیت اپنے نام کر لی

اردوانٹرنیشنل(اسپورٹس ڈیسک) تفصیلات کے مطابق اقبال سٹیڈیم فیصل آباد میں چیمپئنز ون ڈے کپ کے تیسرے میچ میں پینتھرز نے ڈولفنز کو 50 رنز سے شکست دے کر ٹورنامنٹ کی پہلی فتح اپنے نام کی۔

شاداب خان کی قیادت میں پینتھرز نے محمد حسنین کے شاندار اسپیل کی بدولت 338 رنز کے ہدف کا کامیابی سے دفاع کیا۔

ڈولفنز نے متاثر کن انداز میں تعاقب کا آغاز کیا، صاحبزادہ فرحان اور محمد حریرہ نے 68 رنز کی شراکت قائم کی۔

حریرہ 30 گیندوں پر 39 رنز بنانے کے بعد شاداب کی گیند پر آؤٹ ہوئے وکٹ کیپر محمد اخلاق (16) آؤٹ ہونے والے دوسرے بلے باز تھے، اسامہ میر نے ان کی وکٹ حاصل کی۔

فرحان اپنی اننگز کو آگے نہ بڑھا سکے اورہاف سنچری اسکور کرنے کے بعد پویلین لوٹ گئے انہوں نے 69 گیندوں پر ایک چھکے اور ایک چوکے کی مدد سے 52 رنز بنائے۔

اس دوران حسنین نے ایک شاندار اسپیل کیا جس نے ڈولفنز کے تعاقب کو ختم کردیا انہوں نے کپتان سعود شکیل (24) اور آصف علی (10) کو یکے بعد دیگرے آؤٹ کیا۔

وہ اپنے آخری سپیل میں قاسم اکرم کو آوٹ کرنے کے لیے واپس آئے جنہوں نے ساتویں وکٹ کے لیے فہیم اشرف کے ساتھ 78 رنز کی شراکت قائم کی تھی۔

قاسم نے 62 گیندوں پر 65 رنز بنائے، اور حسنین نے پھر فہیم کو آؤٹ کیا، جس نے 35 گیندوں پر 41 رنز بنائے۔

اپنے نویں اوور میں حسنین نے عباس آفریدی (6) کو آؤٹ کر کے اپنی پانچ وکٹ مکمل کر لیں.

مبصر خان نے نعمان علی اور عثمان قادر کو آؤٹ کر کے ڈولفنز کو 278 رنز پر آؤٹ کر دیا۔

اس سے قبل عثمان خان نے اپنی پہلی لسٹ اے سنچری درج کروائی، جبکہ حیدر علی اور کپتان شاداب نے نصف سنچریاں اسکور کیں جب پینتھرز نے 329 رنز کا ہدف دیا۔

دونوں اوپنر کے جلد آؤٹ ہونے کے بعد عثمان نے چارج سنبھال لیا صائم ایوب (6) اور عبدال بنگلزئی (5) کو میر حمزہ نے پانچ اوور میں واپس پویلین بھیج دیا۔

اس کے بعد عثمان نے عمر صدیق کے ساتھ شراکت داری کرکے اننگز کو کچھ استحکام فراہم کیا آصف علی کے ہاتھوں رن آؤٹ ہونے سے قبل صدیق نے 39 گیندوں پر 30 رنز بنائے۔

مبصر خان (5) کو فہیم اشرف نے آوٹ کردیا کیونکہ پینتھرز نے واپسی کی کوشش کی۔

عثمان اور حیدر نے ذمہ داری سنبھالتے ہوئے 103 رنز کی شراکت قائم کی حیدر نے 46 گیندوں پر5 چوکوں اور 3 چھکوں کی مدد سے 63 رنز کی شاندار اننگز کھیلی۔

اس دوران عثمان نے 97 گیندوں پر اپنی سنچری مکمل کی۔

کپتان شاداب نے 45 گیندوں پر 65 رنز بنائے جبکہ اسامہ میر نے 13 گیندوں پر 22 رنز بنائے۔

پینتھرز 49.4 اوورز میں 328 رنز پر ڈھیر ہوگئی۔

ڈولفنز کی جانب سے عثمان قادر شاندار باولر رہے، انہوں نے 3 جبکہ حمزہ اور عباس آفریدی نے2 وکٹ حاصل کیں۔