اردو انٹرنیشنل اسپورٹس ویب ڈیسک تفصیلات کے مطابق فرانس میں جاری پیرا لمپکس کے جیولین تھرو مقابلے میں ایرانی ایتھلیٹ صادق بیت قوائد و ضوابط کی خلاف ورزی پر اپنے گولڈ میڈل سے محروم رہ گئے۔

ایرانی ایتھلیٹ صادق بیت سیاح نے پیرس میں ایف 41 جیولن تھرو مقابلے میں ریکارڈ قائم کرنے کے بعد اپنے ملک کا پرچم لہرانےکے بجائے مذہبی پرچم کے ساتھ جشن منایا۔ لیکن یہ واضح نہیں ہے کہ جھنڈے کا تعلق کس مذہب سے تھا اور نہ ہی جھنڈے پر لکھی گئی تحریر کی وضاحت سامنے آئی ہے ،لیکن ایتھلیٹ سے گولڈ میڈل چھن گیا ہے ۔

گولڈ میڈل سے محروم ہونے والے ایرانی ایتھلیٹ صادق بیت کا طلائی تمغہ مقابلے میں دوسرے نمبر پر آنے والے بھارتی جیولن تھرو کھلاڑی نودیپ سنگھ کو دے دیا گیا۔ رپورٹ کے مطابق ایرانی اتھلیٹ صادق بیت نے جیولن تھرو میں 47.64 میٹر کے نئے پیرا اولمپک ریکارڈ کے ساتھ طلائی تمغہ جیتا تھا، جبکہ بھارتی شہر ہریانہ سے تعلق رکھنے والے 23 سالہ پیرا ایتھلیٹ نودیپ سنگھ نے 47.32 کی جیولین پھینکی تھی۔

سوشل میڈیا پلیٹ فارمز پر جہاں ’پیرالمپکس‘ ٹرینڈ کر رہا ہے وہیں ’نودیپ سنگھ‘، ’بیت سیاح‘ اور’جیولن تھرو‘ کے نام کے ہیش ٹیگز کا بھی استعمال کیا جا رہا ہے۔ دوسرے نمبر پر چین کہ سن پیژیانگ رہے جنہوں نے سلور میڈل حاصل کیا جبکہ عراق کے نخیلاوی ولڈان نے کانسی کا تمغہ جیتا۔ بیت سیاح کے گولڈ میڈل ہارنے پر ایران میں افسوس پایا جا رہا ہے جب کہ نودیپ سنگھ کو طلائی تمغہ ملنے پر بھارت میں اس وقت جشن منایا جا رہا ہے۔