رفدا عرفان اللطفی: محدود وسائل کے باوجود اولمپکس کے لیے کوالیفائی کرنے والی پہلی انڈونیشین جمناسٹ

رفدا عرفان اللطفی محدود وسائل کے باوجود اولمپکس کے لیے کوالیفائی کرنے والی پہلی انڈونیشین جمناسٹ

اردو انٹرنیشنل اسپورٹس ویب ڈیسک تفصیلات کے مطابق انڈونیشین جمناسٹ رفدا عرفان اللطفی پیرس اولمپکس سے چند ہفتے قبل اپنی پریکٹس پر بہت محنت کررہی ہیں ۔ وہ پہلی انڈونیشین جمناسٹ ہیں جو اولمپکس کے لیے کوالیفائی کی ہیں ۔ ان کا مقصد مکمل فٹ ہو کر پیرس پہنچنا ہے تاکہ وہ اپنے ملک میں جمناسٹکس کی تاریخ میں اپنا نام درج کرا سکیں۔

انہوں نے جکارتہ میں تربیت کے بعد اے ایف پی کو بتایا:” یہ ایک جوش کا احساس ہے۔ مجھے امید ہے کہ اولمپکس کے لیے کوالیفائی کرنے سے دنیا انڈونیشیا کو بہتر طور پر جان سکے گی،”

انہوں نے مزید کہا کہ “مجھے چوٹوں کی وجہ سے بھی فکر ہے، جس کی وجہ سے میں پچھلے پانچ دنوں سے نیند نہیں لے سکی۔ انڈونیشیا میں ابھی تک جمناسٹکس کے لیے قومی تربیتی مرکز نہیں ہے اور یہاں کی سوسائٹی، بشمول کھیل، مردوں کے زیر اثر ہے۔

رفدا نے کہا کہ انہوں نے محدود سہولیات کے باوجود مسلسل مشق کی اور ایک کامیاب ایتھلیٹ بن کر دکھایا۔ ان کے خاندان کو ایک ایسا اسکول ڈھونڈنے میں مشکل پیش آئی جو جمناسٹکس کو تعاون فراہم کر سکے۔

رفدا نے بچپن میں تیراکی، غوطہ خوری، ردھمک جمناسٹکس اور آرٹسٹک جمناسٹکس سب میں حصہ لیا۔ ان کی والدہ نے بتایا کہ رفدا نے آٹھ سال کی عمر میں سنگاپور میں ایک جونیئر چیمپئن شپ میں پہلا میڈل جیتا۔

رفدا نے گزشتہ سال بیلجیئم میں ورلڈ آرٹسٹک جمناسٹکس چیمپئن شپ میں شاندار کارکردگی کے ساتھ پیرس اولمپکس کے لیے کوالیفائی کیا۔ رفدا امید کرتی ہیں کہ ان کی اولمپک مہمات دیگر نوجوان انڈونیشیائیوں کو ان کے خوابوں کی پیروی کرنے کی ترغیب دے سکتی ہیں۔

انڈونیشیا کو 2025 میں پہلی بار ورلڈ جمناسٹکس چیمپئن شپ کی میزبانی کا موقع ملے گا، لیکن ابھی بھی جمناسٹکس میں بہتری کی ضرورت ہے۔

رفدا چاہتی ہیں کہ پیرس میں اچھی کارکردگی دکھانے کے لیے وقت پر صحت یاب ہو جائیں، تاریخ کے صفحات میں اپنا نام درج کرائیں اور پھر گھر واپس آ کر وہ آئس کریم کھانا چاہتی ہیں۔