ٹی ٹوئنٹی ورلڈ کپ : پاک بھارت مقابلہ آئی سی سی نے اضافی ٹکٹ جاری کر دیے

اردو انٹرنیشنل (اسپورٹس ڈیسک) تفصیلات کے مطابق آئی سی سی نے منگل کو آئی سی سی مینز ٹی ٹوئنٹی ورلڈ کپ 2024 کے بڑے میچوں کے لیے مزید ٹکٹیں جاری کیں جس میں ہندوستان اور پاکستان کے درمیان ہونے والا مقابلہ بھی شامل ہے۔

گورننگ باڈی کے مطابق، امریکہ اور ویسٹ انڈیز میں ہونے والے مقابلے کے ایک سنسنی خیز افتتاحی میچ ے بعد پورے ایونٹ میں ٹکٹوں کا حتمی اجراء کر دیا گیا ہے۔

آئی سی سی نے شراکت داروں کے ساتھ مل کر ٹکٹوں کی اضافی ریلیز کو یقینی بنانے کے لیے کام کیا ہے اور اس بات کو یقینی بنایا ہے کہ زیادہ سے زیادہ شائقین اس تاریخی ایونٹ کا حصہ بن سکیں۔

اس ریلیز میں 9 جون کو نیو یارک میں ہونے والے انتہائی متوقع ہندوستان بمقابلہ پاکستان میچ کے جنرل داخلہ ٹکٹ شامل ہیں جو پہلے ختم ہو چکے تھے۔

دیگر میچوں میں اب مزیدٹکٹ دستیاب ہیں بشمول ٹیکساس کے گرینڈ پریری کرکٹ اسٹیڈیم اور فلوریڈا کے بروورڈ کاؤنٹی اسٹیڈیم جہاں اب فروخت کے لیے عام داخلہ کے محدود ٹکٹ موجود ہیں۔

ویسٹ انڈیز یا یو ایس اے میں ورلڈ کپ کا حتمی تجربہ حاصل کرنے کے خواہشمند شائقین پریمیم کلب اور خصوصی ڈائمنڈ کلب کے ٹکٹ حاصل کر سکتے ہیں.

ویسٹ انڈیز کے مقامات پر منعقد ہونے والے میچوں کے لیے 6 میزبان ممالک میں سے ہر ایک کے باکس آفس پر ٹکٹیں خریدنے کے لیے بھی دستیاب ہیں۔

واضح رہے کہ ٹورنامنٹ کا آغاز یکم جون کو ڈیلاس میں امریکہ نے کینیڈا کو شکست دے کر کیا تھا۔