اردو انٹرنیشنل اسپورٹس ڈیسک تفصیلات کے مطابق ریال میڈرڈ کے اسٹار گول کیپر تھیباؤٹ کورٹوئس سیزن شروع ہونے سے پہلے ہی زخمی ہو گئے۔ اس کے گھٹنے میں انجری ہوئی جس وجہ سے انہیں تقریباً سات آٹھ ماہ تک کھیل میں وقفہ دینا پڑا ۔ اس کے بعد جب انہوں نے انجری سے مکمل صحت یاب ہونے کے بعد وہ بیلجیئم میں پریکٹس کے دوران دوبارہ زخمی ہوگئے جس وجہ سے فٹ بال میں ان کی واپسی میں مزید تاخیر ہو گئی۔

لیکن اب، طویل انتظار کے بعد، ان کے کوچ، کارلو اینسیلوٹی نے تصدیق کی کہ ، کورٹوئس آخرکار دوبارہ کھیلنے کے لیے تیار ہے۔ انہوں نے بتایا کہ کورٹوئس کیڈیز ایف سی کے خلاف آنے والے میچ میں دوبارہ سے آغاز کریں گے۔ اینسیلوٹی نے کہا کہ کورٹوئس واپس آکر اچھا اور پرجوش محسوس کر رہے ہیں، اور ٹیم ان کے دوبارہ ایکشن میں آنے پر خوش ہے۔